Gujarati News

Gujarati News

News of Tuesday, 24th November 2020

સુરત : લિવ ઇન રિલેશનશિપમાં રહેતી ગર્ભવતી યુવતીને તેના જ પ્રેમીએ ગળું દબાવી મારી નાખી

યુવતીના પિતાના ખેતરમાં જ તેણીને દફનાવી દીધી:હત્યા પાછળ અન્યોની સંડોવણી હોવાની આશંકા: આરોપી યુવકની પ્રથમ પત્ની પણ શંકાના ઘેરામાં

સુરત: લિવ ઇન રિલેશનશિપમાં રહેતી ગર્ભવતી યુવતીની તેના જ પ્રેમી દ્વારા યુવકે હત્યા કરી  22 કિલોમીટર દુર યુવતીના પિતાના ખેતરમાં જ તેણીને દફનાવી દીધી હતી. આ અંગે પોલીસે ગુનો નોંધી આરોપીની ધરપકડ કરી હતી અને યુવતીનાં મૃતદેહને પોસ્ટમોર્ટમ માટે સિવિલ હોસ્પિટલ ખાતે ખસેડવામાં આવ્યો છે.

આ અંગેની વિગત મુજબ બારડોલીના બાબેન ગામે લકઝરિયા એપાર્ટમેન્ટમાં ભાડેથી રહેતી યુવતીની 14 તારીખે પોતાનાં 3 વર્ષનાં દીકરા જીતને મુકીને કોઇને જાણ કર્યા વગર ઘરેથી જતી રહી હતી. જે અંગે યુવતીનાં પિતાએ જાણવાજોગ ફરિયાદ પણ બારડોલી પોલીસ સ્ટેશનમાં આપી હતી. ગુમ થનાર યુવતીને 3 વર્ષીય પુત્ર અને 5 માસનો ગર્ભ હોવાનાં કારણે ઘર છોડી જવા અંગે પોલીસ શંકાના દાયરામાં હતી. યુવતી 5 વર્ષથી ચિરાગ પટેલ નામના યુવાન સાથે લિવ ઇન રિલેશનશિપમાં રહેતી હતી.

જો કે, આ હત્યા પાછળ અન્યોની સંડોવણી હોવાની આશંકા છે. જેમાં આરોપી યુવકની પ્રથમ પત્ની પણ શંકાના વર્તુળમાં છે, કારણ કે 3 મહિના પહેલા યુવકની પત્ની અને માતાએ રશ્મિને માર માર્યો હતો. પોલીસને ચિરાગ પર શંકા જતા તેની કડકાઇથી પુછપરછ કરતા ચિરાગે રશ્મિની ગળુ દબાવને હત્યા કરી દીધી હોવાની કબુલાત કરી હતી. રશ્મિના જ પિતાના ખેતરમાં ખાડો ખોદીને દફનાવી દીધી હોવાનો ચોંકાવનારો ખુલાસો કર્યો હતો. ચિરાગની કબુલાતના આધારે પોલીસે ખેતરમાં ખાડો ખોદીને રશ્મિનો મૃતદેહ બહાર કાઢ્યો હતો. તેનો મૃતદેહ પેનલ પોસ્ટમોર્ટમ માટે ખસેડ્યો હતો અને ચિરાગની હત્યાના ગુનામાં ધરપકડ કરી હતી

(11:03 pm IST)
  • મનોજ સીસોદીયા ઉપર ભાજપ બરાબર તૂટી પડ્યુઃ દિલ્હીના ઉપમુખ્યમંત્રી 'આપ' પક્ષના મનીષ સીસોદીયા એક લગ્નમાં 'માસ્ક' પહેર્યા વિના ઉપસ્થિત રહેતા ભાજપે ટ્વીટમાં લખ્યુ છે કે 'ચલણ માત્ર જનતા ભરશે અને આપ તે પૈસાની જાહેરાત આપશો' access_time 3:48 pm IST

  • ઝડપી અને સસ્તા દરમાં કોરોના ટેસ્ટનો પ્રારંભ કરાવતા અમિતભાઈ ગૃહમંત્રી અમિતભાઈ શાહે નવી દિલ્હી ખાતે, ઇન્ડિયન મેડિકલ કાઉન્સિલ ઓફ ઈન્ડિયાના હેડકવાટર ઉપર માત્ર 499 રૂપિયામાં કોવિડ આરટી-પીસીઆર ટેસ્ટનો પ્રારંભ કરાવ્યો; 6 કલાકમાં કોવિડ ટેસ્ટનું પરિણામ: પ્રથમ તબક્કામાં, આવી 20 લેબ્સ ઉભી થવાની સંભાવના છે: દરેક લેબ એક દિવસમાં 1000 કોવિડ ટેસ્ટ કરવા માટે સક્ષમ છે access_time 8:41 am IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST