Gujarati News

Gujarati News

News of Saturday, 24th October 2020

સુરતના ચોકબજાર વિસ્તારમાં બાંધકામ સાઈટ પરથી નીચે પટકાતા શખ્સનું ગંભીર ઇજાથી સારવાર દરમ્યાન મૃત્યુ

સુરત: શહેરની સિવિલ હોસ્પિટલ અને પોલીસ સુત્રો પાસેથી મળેલી વિગત મુજબ વરાછાના અશ્વનિકુમાર રોડ ઉપર રાજ રેસિડેન્સીમાં રહેતા 30 વર્ષીય રાકેશભાઈ ઘુસાભાઇ ચાંદીગરા ગઈ તારીખ 20મીએ બપોરે ચોકબજારના વેડ રોડ ખાતે શ્રદ્ધા સોસાયટીમાં બાંધકામ સાઇટ પર કામ કરતા હતા, ત્યારે તે અચાનક બીજા માળેથી નીચે પટકાતાં ગંભીર ઈજા થઈ હતી. જેથી તેમને સારવાર માટે ખાનગી હોસ્પિટલમાં ખસેડાયા હતા ત્યાં સારવાર દરમિયાન શુક્રવારે સવારે તે મોતને ભેટ્યા હતા. 

નોંધનીય છે કે રાકેશભાઈ મૂળ જૂનાગઢના માંડવાડ ગામના વતની હતા તે કોન્ટ્રાક્ટર કામની સાથે કડિયા કામ પણ કરતા હતા તેમને બે સંતાન છે. આ અંગે ચોકબજાર પોલીસે તપાસ આદરી છે.

(5:11 pm IST)
  • '૫૦' વટાવી ચુકેલ પોલીસોની દાંડાઇ હવે યોગી સરકાર ચલાવી નહિ લ્યે : ૫૦ વર્ષથી મોટા ઉમરના અને કામ નહિ કરતા પોલીસ કર્મીઓનું લીસ્ટ યોગી સરકાર તૈયાર કરાવી રહી છે. આ બધાને વહેલા સેવા નિવૃત કરી દેવાશે રાજયના તમામ પોલીસ વડાને લીસ્ટ તૈયાર કરવા યોગી આદિત્યનાથે ફરી આદેશ આપ્યો access_time 3:04 pm IST

  • બેંગ્લોરમાં ૩ કલાકમાં ૩ ઈંચ વરસાદ તૂટી પડ્યો : બેંગ્લુરૂમાં ગઈકાલે ત્રણ કલાકમાં ૩ ઈંચ વરસાદ પડી જતા ચારે કોર પાણી ભરાયા હતા : રાજેશ્વરીનગરમાં રીટેઈનીંગ દિવાલ તૂટી પડતા નીચાણ વિસ્તારોમાં મકાનોમાં પાણી ભરાયા હતા access_time 3:03 pm IST

  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST