Gujarati News

Gujarati News

News of Saturday, 24th October 2020

વડોદરાની આજવા ચોકડીથી વાઘોડિયા જતી વેળાએ કાર ચાલકે સ્કૂટર સવારને હડફેટે લેતા ગંભીર ઇજાથી મૃત્યુ

વડોદરા:આજવા ચોકડીથી વાઘોડિયા ચોકડી વચ્ચે બ્લેક સ્પોટ તરીકે જાણીતા  એલ એન્ડ ટી કંપની નજીકના હાઇવે પર કારચાલકે સ્કૂટર સવારને ટક્કર મારતા ઇજાગ્રસ્ત સ્કૂટર સવારનું મોત નિપજ્યું છે. 

વાઘોડિયા રોડ બાપોદ જકાતનાકા પાછળ કૃષ્ણકુંજ સોસાયટીમાં રહેતા ચીમનભાઇ ગરબડભાઇ વસાવા  પાણી પુરવઠા વિભાગમાં નોકરી કરતા હતા. આજે સવારે તેઓ સ્કૂટર લઇને ઘરેથી નીકળ્યા હતા. તે સમયે આજવા ચોકડીથી વાઘોડિયા ચોકડી તરફ જવાના રસ્તે એક કારચાલકે સ્કૂટરને ટક્કર મારતા ચીમનભાઇ રોડ પર  ફંગોળાયા હતા અને માથામાં ગંભીર ઇજા પહોંચી હતી. ઇજાગ્રસ્ત ચીમનભાઇને સારવાર અર્થે સયાજી હોસ્પિટલમાં લઇ જવામાં આવ્યા હતા.  જ્યાં તેમનું સારવાર પૂર્વે જ મોત નિપજ્યુ છે. બાપોદ પોલીસે ગુનો નોધી કારચાલકની શોધખોળ હાથ ધરી છે. 

(5:08 pm IST)
  • હાઈવેની બાજુમાં જ રેલવે લાઈનઃ સરકાર બનાવી રહી છે એક મોટો પ્લાન : ૨૦૨૫ સુધીમાં કેન્દ્ર સરકાર જે નવા હાઈવે બનાવી દેવા માગે છે તેમાં અમદાવાદ- ધોલેરા, કાનપુર- લખનઉ, અમૃતસર- ભટિંડા- જામનગર, હૈદરાબાદ- રાયપુર, નાગપુર- વિજયવાડાનો પણ સમાવેશ થાય છે access_time 3:37 pm IST

  • દેશમાં કોરોના ધીમો પડ્યો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 49,865 કેસ નોંધાયા:કુલ કેસનો આંકડો 78,63,533 થયો :એક્ટીવ કેસ ઘટીને 6,68,395 થયા:વધુ 61,704 દર્દીઓ સ્વસ્થ થતા કુલ 70,75,273 રિકવર થયા :વધુ 567 લોકોના મોત સાથે કુલ મૃત્યુઆંક 1,18,559 થયો: access_time 1:30 am IST

  • '૫૦' વટાવી ચુકેલ પોલીસોની દાંડાઇ હવે યોગી સરકાર ચલાવી નહિ લ્યે : ૫૦ વર્ષથી મોટા ઉમરના અને કામ નહિ કરતા પોલીસ કર્મીઓનું લીસ્ટ યોગી સરકાર તૈયાર કરાવી રહી છે. આ બધાને વહેલા સેવા નિવૃત કરી દેવાશે રાજયના તમામ પોલીસ વડાને લીસ્ટ તૈયાર કરવા યોગી આદિત્યનાથે ફરી આદેશ આપ્યો access_time 3:04 pm IST