Gujarati News

Gujarati News

News of Saturday, 24th October 2020

વડોદરાના કલાકાર દ્વારા મિનીએચર આર્ટ દ્વારા હથેળીમાં ગરબાની ડિઝાઇનનું નિર્માણઃ ઢોલના ધબકારે ગરબા રમતી મહિલાઓનું મિનીએચર આર્ટ તૈયાર

અમદાવાદ: નવરાત્રીના આ પવિત્ર પર્વની ભક્તો આખા વર્ષ દરમ્યાન રાહ જોઇને બેઠા હોય છે. પરંતુ કોરોના રૂપી મહામારીએ વિશ્વ આખામાં કેર વર્તાવી દીધો છે. ત્યારે સરકારે લોકોના સ્વાસ્થ્યને ધ્યાનમાં લેતાં કોરોના સંક્રમણ વધુ ન ફેલાઇ તે માટે પ્રતિબંધ મુક્યો છે, જેના લીધે ગરબા રસિકોમાં નિરાશાનું મોજું ફરી વળ્યું છે. ત્યારે અમદાવાદના ચાંદખેડા વિસ્તારમાં રહેતા કલાકાર મુકેશ પંડયા ખુબ જ ઉત્સાહ પૂર્વક અનોખી રીતે નવરાત્રી ઉજવી રહ્યા છે.

ગુજરાતની સાંસ્કૃતિક નગરી વડોદરા તેના સાંસ્કૃતિક વારસા માટે જાણીતી છે. વડોદરાનું યુનાઇટેડ વે ટ્રસ્ટ વિશ્વના સૌથી મોટા ગરબાનુ આયોજન કરે છે. 50 હજાર ખૈલૈયાઓ ગરબા રમતા હોવાનો દાવો કરવામા આવે છે. અહીં દેશ વિદેશથી ખૈલૈયાઓ ગરબા રમવા આવે છે.

આ કલાકારે મિનીએચર સાઇઝમાં નવરાત્રીની અલગ અલગ ઝાંખીની રચના કરી છે.જેમાં ઢોલને ધબકારે ગરબા રમતી મહિલાઓની મિનીએચર આર્ટ તૈયાર કરી છેેે.

આ મિનીએચર આર્ટમાં માતાજીના દીવડા ફરતે ગરબા રમતી નવદુર્ગા જોવા મળે છે. આ સુંદર કલા દરેકનું મનમોહી લે છે.

આ કલાકારે મિનીએચર સાઇઝમાં નવરાત્રીની અલગ અલગ ઝાંખીની રચના કરી છે. જેમાં વડોદરાના ફેમસ યુનાઇટેડ વેના ગરબા, ઢોલને ધબકારે ગરબા રમતી મહિલાઓ, માતાજીના દીવડા ફરતે ગરબા રમતી નવદુર્ગા, ઉપરાંત લક્ષ્મીજી,દુર્ગા પૂજા, ફૂલ ગરબો વગેરેની ઉમદા પ્રતિકૃતિઓની રચના કરી છે.

નવરાત્રિ દરમિયાન માતાજીનો ગરબો લઇને ગરબે ઘૂમવાની પ્રથા હોય છે. મુકેશ પંડ્યાએ ફૂલ ગરબો લઇને ગરબે રમતી મહિલાની ઉમદા પ્રતિકૃતિઓની રચના કરી છે.

તેમના જણાવ્યા અનુસાર આ પ્રકારની રચના કરતી વખતે એક અલગજ પ્રકારની ઉર્જા પ્રાપ્ત થાય છે. એક કલાકારની આવી રચનાઓનું સર્જન એ પણ એક પ્રકારની ભક્તિ અને આરાધના જ કહેવાય તેવું તેમનું માનવું છે.

છેલ્લા ચારેક વર્ષથી મુકેશ પંડયા દરેક ભારતીય તહેવારોને તેમની આ કળામાં કંડારતા આવે છે જેમાં દરેક ધર્મના તહેવારો સામેલ છે. આ ઉપરાંત ભારતના રાષ્ટ્રીય તહેવારોને પણ તેમણે તેમની કલામાં ઉમદા રીતે દર્શાવ્યા છે.

મુકેશભાઇ મીનીએચર આર્ટમાં દિવાસળી તથા ભરતકામની દોરીનો ઉપયોગ કરે છે. તેની ઉંચાઇ 20 એમ.એમ એટલે કે આંગળીના એક વેઢા જેટલી હોય છે.

દશેરા નિમિતે રાવણ વધ પણ આ કલાકાર ભૂલ્યા નથી. તો કોરોના વોરીયર્સ ને જ્યોત  ધરવાનું પણ ભૂલ્યા નથી. હથેળી ઉપર ગણેશ વિસર્જનના ઝુલુસની ઝાંખી કરાવતા લાયન્સ ક્લબ અમદાવાદ દ્વારા સ્પેશ્યલ એવોર્ડ પણ મેળવી ચુક્યા છે.

મુકેશભાઇ પંડ્યા મનીએચર આર્ટ, પેપર આર્ટ તથા રાષ્ટ્રીય તેમજ ધાર્મિક તહેવારો તથા અવનવા વિષય પર કાર્ટૂન બનાવવા, માટીકામ, ઐતિહાસિક સિક્કાઓનો સંગ્રહ, ફોટો, એક્ટિંગ, પેપરકાર વિંગનો શોખ ધરાવે છે.

(4:17 pm IST)
  • બેંગ્લોરમાં ૩ કલાકમાં ૩ ઈંચ વરસાદ તૂટી પડ્યો : બેંગ્લુરૂમાં ગઈકાલે ત્રણ કલાકમાં ૩ ઈંચ વરસાદ પડી જતા ચારે કોર પાણી ભરાયા હતા : રાજેશ્વરીનગરમાં રીટેઈનીંગ દિવાલ તૂટી પડતા નીચાણ વિસ્તારોમાં મકાનોમાં પાણી ભરાયા હતા access_time 3:03 pm IST

  • મુંબઇથી હનીમૂન માટે કતાર ગયેલા કપલને સંબંધીએ ડ્રગ્સ તસ્કરીમાં ફસાવ્યા :૧૦ વર્ષની થઇ જેલઃ નારકોટિકસ કંટ્રોલ બ્યૂરો (NCB) રાજનૈતિક ચેનલ્સ દ્વારા આ કપલને ભારત લાવવાનો પ્રયાસ કરી રહી છે access_time 11:25 am IST

  • બેકારી ચરમસીમાએઃ રેલવેમાં ખાલી પડેલી ૧.૪ લાખ નોકરીની જગ્યાઓ માટે ૨.૪૦ કરોડ ઉમેદવારોએ અરજી કરી છે access_time 3:36 pm IST