Gujarati News

(ભરત શાહ દ્વારા) રાજપીપળા : ઘણા સમયથી ડેડીયાપડાના શ્રી જલારામ સ્ટુડિયો સંગીત, એક્ટિંગ, તેમજ લગ્ન ગીતો, લોક ગીતો દ્વારા લોકોનું મનોરંજન કરી લોક ચાહના મેળવી રહ્યું છે. તેમજ દક્ષિણ ગુજરાતના પહેરવેશ, ભાષા , તેમજ સુંદર પ્રકૃતિ દ્રશ્યો દ્વારા લોકોનું મનોરંજન કરવામાં આવે છે.
આ સ્ટુડિયોના માલિક જયેશ વસાવા સાથેની વાતચીત દરમિયાન તેમનું સપનું આદિવાસી કલાકારોને એક ઓળખ મળે,તેમનું ભાવિ આગળ વધે એ માટે તેઓ સતત પ્રયત્ન કરતા આવ્યા છે. જેમાં પોયરી‌ તોઅ સ્માઈલ ,મેરાલી યાહા‌ આશીર્વાદ ,‌ આપુ દોસ્તી..ઓ‌ પાવુંહ, જય દેવમોગરા માતા આરતી, દોસ્તી પોયરીયા આખે વરાડ,તિરછી ટોપી કેટીએમ ને ફિરો રે.., ઇન્ટરનેટ  વાલો‌‌ લવ,કાના ની રાધા,બેના..તુ એકલી એક પોયરી, ઓ બેના.. પારાયે ચાલી, હાલમાં આવનાર આદિવાસી ગીત લાલ ગેંદા ફૂલ જેવા ગીતો બનાવી લોક ચાહના મેળવી રહ્યા છે.ત્યારે સ્ટુડિયો ના માલિક દ્વારા આદિવાસી સંસ્કૃતિ જાળવવા આમ અનોખો પ્રયાસ કરાઇ રહ્યો છે.