Gujarati News

Gujarati News

News of Sunday, 24th January 2021

વાપીમાં લગ્નને બદલે માતમ છવાઈ ગયો: લગ્નમાં વાપી જઈ શેખ પરિવારના ૧૦ લોકોને અકસ્‍માત નડ્યો : એક મહિલા અને તેના ૧ વર્ષના પુત્રનું મૃત્યુ

વાપીમાં રિલેટિવને ત્યાં લગ્નપ્રસંગમાં હાજરી આપવા જઈ રહેલા માહિમના પરિવારની કારનો ગઈ કાલે બપોર બાદ ઍક્સિડન્ટ થતાં એક મહિલા અને તેના ૧ વર્ષના પુત્રનું મૃત્યુ થયું હતું, જ્યારે ત્રણ જણને ઈજા થઈ હતી. સાંજે લગ્ન હોવાથી માહિમ દરગાહ નજીક રહેતો પરિવાર કારમાં નીકળ્યો હતો. આ બનાવથી વાપીમાં લગ્નને બદલે માતમ છવાઈ ગયો હતો.

પોલીસે જણાવ્યા મુજબ મુંબઈમાં માહિમ દરગાહ પાસે રહેતા શેખ પરિવારના ૧૦ લોકો વાપીમાં તેમના સંબંધીને ત્યાં લગ્નમાં સામેલ થવા માટે ગઈ કાલે બપોરે કારમાં નીકળ્યા હતા. કાર પાલઘર જિલ્લાના મુંબઈ-અમદાવાદ નૅશનલ હાઇવે પર ધાનીવરી ગામ પાસે પહોંચી ત્યારે કારનું પાછળનું ટાયર ફાટતાં ડ્રાઇવરે કાર પરનું નિયંત્રણ ગુમાવતાં એની સાથે ધડાકાભેર ટ્રક અથડાઈ હતી.

આ અકસ્માતમાં કારમાં બેઠેલી નાઝનીન શેખ નામની ૨૬ વર્ષની મહિલા અને તેના ૧ વર્ષના પુત્રનું મૃત્યુ થયું હતું, જ્યારે ત્રણ જણને ગંભીર ઈજા થવાથી પહેલાં કાસા સરકારી હૉસ્પિટલ અને ત્યાર બાદ વાપીની પ્રાઇવેટ હૉસ્પિટલમાં શિફ્ટ કરાયા હોવાનું જાણવા મળ્યું હતું.

કાસા પોલીસ સ્ટેશનના ઇન્ચાર્જ એપીઆઈ ઉમેશ પાટીલે 'મિડ-ડે'ને કહ્યું હતું કે 'બપારે ૩.૩૦ વાગ્યે મુંબઈથી વાપી તરફ જઈ રહેલી ઈકો કાર એક ટ્રક સાથે અથડાઈ હતી. તપાસમાં જણાયું હતું કે કારનું ટાયર ફાટતાં ડ્રાઇવરે નિયંત્રણ ગુમાવતાં અકસ્માત થયો હતો. માતા-પુત્રનાં ઘટનાસ્થળે મૃત્યુ થવાની સાથે અન્ય ત્રણ જણને ઈજા પહોંચી હતી. તેઓ વાપીમાં લગ્નમાં સામેલ થવા જઈ રહ્યા હોવાનું તપાસમાં જણાયું છે.'

(12:36 pm IST)
  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 14,198 કેસ નોંધાયા :કુલ કેસની સંખ્યા 1,06,54,744 થઇ :એક્ટિવ કેસ 1,82,205 થયા: વધુ 14,675 દર્દીઓ સ્વસ્થ થતા કુલ 1,03,14 ,738 થયા :વધુ 144 લોકોના મોત સાથે કુલ મૃત્યુઆંક 1,53,365 થયા access_time 12:51 am IST

  • અમેરિકન બ્રોડકાસ્ટિંગ લિજેન્ડ લેરી કિંગનું લોસ એન્જલસમાં સીડર-સિનાઈ મેડિકલ સેન્ટરમાં નિધન થયું છે. અહેવાલ મુજબ તેઓને COVID19 પોઝિટિવ આવતા હોસ્પિટલમાં દાખલ કરાયા હતા. તેઓ 87 વર્ષના હતા. access_time 7:03 pm IST

  • કોરોના રસીનો પ્રતાપ કે નવી નેતાગીરીનો ચમત્કાર ? અમેરિકામાં કોરોના કેસમાં ધીમો ઘટાડો આજે પણ ચાલુ રહ્યો : આજેઅમેરિકામાં પોણા બે લાખથી પણ નીચે નવા કોરોના કેસોનો આંક ચાલ્યો ગયો, સતત ત્રીજા દિવસે બે લાખથી નીચે કેસ રહ્યા, છેલ્લા ૨૪ કલાકમાં યુએસએમાં કોરોનાએ ૩,૫૦૦ના જીવ લીધા: ઈંગ્લેન્ડમાં પણ કોરોનાના નવા ૩૩ હજાર કેસ નોંધાયા અને ૧૪૦૦ ના મૃત્યુ: બ્રાઝિલમાં એકધારા ૬૦ હજાર ઉપર રોજ કેસ નોંધાય છે, આજે ૬૧,૦૦૦ કેસ નોંધાયા: ફ્રાન્સમાં ૨૪ હજાર અને રશિયામાં વીસ હજાર નવા કોરોના કેસ નોંધાયા: ઓસ્ટ્રેલિયામાં ૨૪ કલાકમાં માત્ર ત્રણ નવા કેસ થયા છે: જ્યારે ચીનમાં ૮૦ હોંગકોંગમાં ૮૧ અને યુનાઈટેડ આરબ અમિરાત/દુબઈમાં આજે ૩૫૦૦ નવા કેસ નોંધાયા છે: ભારતમાં ૧૫ હજાર આસપાસના નવા કેસ નોંધાયા, જ્યારે ૧૫૫ મૃત્યુ થયા, સાથોસાથ સોળ હજાર કોરોના દર્દીઓ સાજા પણ થયા છે. access_time 3:52 pm IST