Gujarati News

મધ્ય ગુજરાતમાં વરસાદી માહોલ જામ્યો છે છોટાઉદેપુર જિલ્લામાં ભારે વરસાદ વરસી રહ્યો છે  ભારે પવન સાથે થયેલા વરસાદને કારણે નસવાડી અને ક્વાંટને જોડતાં હાઈવે પર મસમોટું વૃક્ષ ધરાશાયી થતા રસ્તો બ્લોક થઈ ગયો હતો. અને વાહનવ્યવહાર ખોરવાયો હતો.

  વહેલી સવારે વૃક્ષ ધરાશાયી થવા છતાં કલાકો સુધી તંત્રએ વૃક્ષ હટાવવાની કોઈ કામગીરી ન કરી. જેને કારણે અનેક વાહનચાલકો હાલાકીમાં મુકાયા હતા.છેલ્લા  24 કલાકમાં ક્વાંટમાં ત્રણ ઈંચ છોટાઉદેપુરમાં અઢી ઈંચ, બોડેલીમાં બે ઈંચ પાવી જેતપુરમાં એક ઈંચ, સંખેડામાં દોઠ ઈંચ વરસાદ નોંધાયો છે.