News of Friday, 23rd March 2018

તું મને છુટાછેડા આપી દે, મને તારામાં રસ રહ્યો નથી તેમ કહી વાપીના ડુંગરા ગામની પત્નીને તરછોડીને પતિ ધો.૧૧ની વિદ્યાર્થીનીને લઇને રફુચક્કર

વાપીઃ પતિ ધો.૧૧ની વિદ્યાર્થીનીને લઇને ભાગી જતા પત્નીએ પોલીસ ફરીયાદ કરી છે.

પ્રાપ્ત માહિતી મુજબ વાપીના ડુંગરા ગામે રહેતી પત્નીએ પતિ સામે ધો.૧૧માં ભણતી તરૂણીને ભગાડી ગયા અંગે પોલીસમાં લેખિત અરજી કરી છે. તરૂણી સાથેના આડા સંબંધ અંગે વારંવાર પતિ પત્ની સાથે ઝઘડો કરી માર મારી છૂટાછેડા આપી દેવા દબાણ કરતો હતો. ૧૪મી માર્ચના રોજ પતિ રાત્રિ દરમિયાન ફલેટનો દરવાજાને બહારથી લોક કરી તરૂણી સાથે ભાગી ગયો હોવાનો આક્ષેપ કર્યો છે.

વાપીના ડુંગરા ગામે રહેતી પરિણીતાએ ડુંગરા પોલીસમાં પતિ ખુમાન બારીયા સામે વિવિધ આક્ષેપો સાથે લેખિત અરજી કરી છે. જેમાં જણાવ્યા મુજબ પતિના છેલ્લા લાંબા સમયથી ધો.11માં ભણતી તરૂણી સાથેના આડા સંબંધને લઈ વારંવાર ઝઘડો કરતો હતો.

તરૂણી સાથે સંબંધ નહીં રાખવા વારંવાર જણાવતા પત્ની સાથે ઉગ્ર ગાળાગાળી કરી ઝઘડો કરતો હતો. અને પત્નીને તું મને છુટાછેડા આપી દે, મને તારામાં રસ રહ્યો નથી એમ કહી ધાકધમકી આપતો હતો. તા.૧૪--૨૦૧૮ના રોજ રાત્રે પતિ-પત્ની વચ્ચે ઉગ્ર ઝઘડો થયો હતો. મોડી રાત્રે પતિ ફલેટનો દરવાજો આગળથી લોક કરી તરુણીને ભગાડી ગયો હોવાનો સીધો આક્ષેપ અરજીમાં કર્યો છે.

પરિણીતાએ પોતાના પિતા અને ભાઈને ફોન કરી વાપી બોલાવ્યા બાદ બપોરે ફલેટનો દરવાજો ખોલાવ્યો હતો. મામલે કાયદેસરની કાર્યવાહી કરવા પરિણીતાએ માંગ કરી છે.

(5:23 pm IST)
  • રાજ્ય સભા ચૂંટણી : બસપાને ઝટકો : મુખ્તાર અન્સારીને વોટ આપવા દેવાની કોર્ટે રોક લગાવી : સંખ્યાના આધારે સપાનાં ભાગમાં એક બેઠક આવી રહી છે અને માયાવતી પણ કોંગ્રેસ-સપાના સહારા પર રાજયસભામાં એક ખુરશી જાળવી રાખવા માટે તનતોડ મેહનત કરી રહ્યા છે. access_time 11:10 pm IST

  • રિઝર્વ બેન્કના ગવર્નર ઊર્જિત પટેલ 4-5 એપ્રિલે નાણાનીતિ સમીક્ષા માટે બેઠક યોજશે. જેમાં ગવર્નરની સાથે એમપીસીના બીજા પાંચ નિષ્ણાતો પણ ભાગ લેશે. નાણાકીય વર્ષની આ પ્રથમ બેઠક હશે, ગાવાને 4 ટકાની નજીક સ્થિર રાખવાનો પ્રયાસ કરી રહેલી રિઝર્વ બેન્કે અગાઉની નાણાનીતિની સમીક્ષામાં રેપો રેટને 6 ટકાના દરે સ્થિર રાખ્યો હતો. access_time 2:27 am IST

  • જુના વાહનોમાં હાઇ સિકયુરિટી નંબર પ્લેટ લગાવવાની મુદત 30 એપ્રિલ સુધી લંબાવાઈ : 1 કરોડ જેટલા વાહનો બાકી હોવાથી લેવાયેલો નિર્ણય access_time 7:03 pm IST