Gujarati News

Gujarati News

News of Tuesday, 23rd February 2021

કોર્પોરેશનમાં કેસરિયાથી નગરપાલિકા, તાલુકા પંચાયત અને જિલ્લા પંચાયતની ચૂંટણીના વિરમગામ ભાજપના ઉમેદવારોનો ઉત્સાહ વધ્યો

(વંદના નીલકંઠ વાસુકિયા દ્વારા) વિરમગામ : સ્થાનિક સ્વરાજ્યની ચૂંટણી માટે ભારતીય જનતા પાર્ટી દ્વારા "ગુજરાત છે મક્કમ ભાજપ સાથે અડીખમ" સૂત્ર આપવામાં આવ્યું છે. અમદાવાદ, રાજકોટ, વડોદરા, સુરત, ભાવનગર અને જામનગર મહાનગરપાલિકાઓની ચૂંટણીમાં ભાજપનો ભવ્ય વિજય થયો છે અને કોર્પોરેશનમાં કેસરિયો લહેરાવ્યો છે. "ગુજરાત છે મક્કમ ભાજપ સાથે અડીખમ" સુત્ર મહાનગરપાલિકાઓના પરિણામથી સાર્થક થયું છે તેમ લાગી રહ્યું છે. મહાનગરપાલિકાઓની ચૂંટણીમાં ભાજપને પ્રચંડ જનસમર્થન પ્રાપ્ત થયું છે.  

  મહાનગરપાલિકાઓના ચૂંટણી પરિણામનો સીધી અસર નગરપાલિકા તાલુકા પંચાયત અને જિલ્લા પંચાયતની યોજાનાર ચૂંટણી પર સ્પષ્ટ રીતે પડી શકે છે. મતદારો મહાનગર પાલિકાઓની જેમ નગરપાલિકા તાલુકા પંચાયત અને જિલ્લા પંચાયતની ચૂંટણીમાં પણ ભારતીય જનતા પાર્ટીના ઉમેદવારોને પ્રચંડ જનસમર્થન આપી વિજય બનાવશે તેઓ ભાજપના કાર્યકરો વિશ્વાસ વ્યક્ત કરી રહ્યા છે. કોર્પોરેશનમાં કેસરિયાથી નગરપાલિકા, તાલુકા પંચાયત અને જિલ્લા પંચાયતની ચૂંટણીના વિરમગામ ભાજપના ઉમેદવારોનો ઉત્સાહ ચોક્કસ વધ્યો છે. પેજ સમિતિ ભાજપ માટે ચૂંટણી જીતવા બ્રહ્માસ્ત્ર સાબિત થઈ શકે છે અને કોર્પોરેશનની જેમ જ આગામી સ્થાનિક સ્વરાજ્યની ચૂંટણીઓમાં પણ ભાજપના ઉમેદવારો ભવ્ય વિજય પ્રાપ્ત કરશે એવો વિશ્વાસ ભાજપના કાર્યકરોમાં દેખાઈ રહ્યો છે.(તસવીર- રસીક કોળી (રૂપાવટી)

(6:36 pm IST)
  • ગૂગલની પ્રસિદ્ધ એપ્પ ગુગલ પ્લે મ્યુઝિક થશે બંધ : છેલ્લા આઠ વર્ષથી ચાલતી આ એપને સંપૂર્ણપણે બંધ કરવા નિર્ણય :એવું મનાય છે કે ગુગલ પ્લે મ્યુઝિકને યુટ્યુબ મ્યુઝિક એપથી રિપ્લેસ કરાશે :ગૂગલે ડિસેમ્બર 2020માં પ્લે મ્યુઝિકનું સંચાલન બંધ કર્યું હતું જેને હવે યૂટ્યૂબ મયુઈકમાં બદલાવી રહ્યાં છે access_time 11:25 pm IST

  • કોંગ્રેસ પ્રમુખ અમિત ચાવડાના કૌટુંબિક ભાઈ પ્રશાંત ચાવડાએ ભગવો ધારણ કર્યો, રાજ્યસભાના પૂર્વ સાંસદ લાલસિંહ વડોદીયાએ આણંદમાં ખેસ પહેરાવી કર્યું સ્વાગત access_time 1:05 am IST

  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST