Gujarati News

Gujarati News

News of Tuesday, 23rd February 2021

સ્વચ્છતા અભિયાનમાં ગુજરાત એસીબી કચેરીએ મેદાન માર્યું પ્રથમ રેન્ક મેળવ્યો

સરકારી અર્ધ સરકારી ઓફિસમાં લાંચિયાઓની સાફસફાઈ દ્વારા વિક્રમ સર્જાયા બાદ નવો વિક્રમ

રાજકોટ, તા.૨૩: ગુજરાતના વિવિધ સરકારી અને અર્ધ સરકારી કચેરીઓમાં લાંચ રૂશ્વત વિભાગ દ્વારા ચાલતી સાફસૂફી ચર્ચામાં છે.ત્યારે ખરા અર્થમાં સ્વચ્છતા સર્વેક્ષણ અંતર્ગત ગુજરાત એસીબી દ્વારા પ્રથમ રેન્ક હાસલ કર્યો છે.                      

અમદાવાદ કેન્ટોનમેન્ટ બોર્ડ દ્વારા યોજાયેલ સરકારી કચેરીઓના સ્વચ્છ સરકારી કચેરીમાં પ્રથમ રેન્ક મેળવતા ખાસ સર્ટિફિકેટ આપી એસીબી વડાં કેશવ કુમારનું બહુમાન કરવામાં આવતા એસીબી વડાં પર ઠેર ઠેર થી અભિનંદન વર્ષા થઈ રહી છે.            

મહા નગરપાલિકા કમિટીના સભ્યો દ્વારા જે માપ દંડ નક્કી કરવામાં આવ્યા છે તે મુજબ રૂબરૂ મુલાકાત બાદ પરિણામો જાહેર થયેલ.

સ્વચ્છ સર્વેક્ષણએ ભારતભરના શહેરો અને નગરોમાં સ્વચ્છતાના ઉચ્ચ મુલ્યો અંગેનો વાર્ષિક સર્વેક્ષણ છે. સ્વચ્છ ભારત અભિયાનના ભાગરૂપે તેની શરૂઆત કરવામાં આવી હતી, જેનો હેતુ ભારતને કચરા મુકત અને જાહેર ખુલ્લામાં શૌચ મુકત બનાવવાનો છે. 'કવોલિટી કાઉન્સિલ ઓફ ઈન્ડિયા' દ્વારા આ સર્વે કરવામાં આવે છે, જેમાં ૨૦૨૦માં કુલ-૪૨૪૨ શહેરો અને નગરોનો સમાવેશ કર્યો હતો, જેમાં ૫ લાખથી વધુ યુ.એલ.બી. ડોકયુમેન્ટ પુરાવવાઓનો સમાવેશ કર્યો છે.

(2:44 pm IST)
  • રાજકોટ વોર્ડ નં.૧૬ ભાજપના રૂચીતાબેન જોશી માત્ર ૧૧ મતથી જીત્યાઃ ફરી ગણતરીની માંગની શકયતા :વોર્ડ નં.૧૬ના ભાજપના ઉમેદવાર રૂચીતાબેન જોશીને ૮૬૦૦ અને કોંગ્રેસના રસિલાબેન ગેરૈયાને ૮૫૮૯ મત મળેલ માત્ર ૧૧ મતનો ફર્ક પડતા કોંગ્રેસ ફરીથી મતગણતરી કરાવે તેવી શકયતા access_time 3:59 pm IST

  • સુરતમાં પાટીલના ગઢમાં ‘આપ' પક્ષે ગાબડુ પાડયુ : ૨૫ બેઠકો મેળવી : ભાજપને ફાળે ૭૨ બેઠકોઃ કોંગ્રેસને બેઠક મેળવવાના ફાંફાઃ ૨૪ બેઠકો ઉપર ગણતરી ચાલુ : બપોરે ૪ વાગ્‍યે આ લખાય છે ત્‍યારે સુરતમાં ૧૨૦ બેઠકમાંથી ૯૬ બેઠકો જાહેર થઈ છે અથવા તો ટ્રેન્‍ડ જાહેર થયા છે : જેમાંથી અરવિંદ કેજરીવાલનો નવોદીત આપ પક્ષ ૨૫ બેઠકો લઈ જાય છે : ભાજપને હજુ સુધી ૭૨ બેઠકો સાથે સાદી બહુમતી મળી રહી છે, જયારે કોંગ્રેસને બેઠક મેળવવાના ફાંફા છે અને એક પણ બેઠક મળી નથીઃ કોંગ્રેસની તમામ બેઠકો ‘આપ' ખૂંચવી ગયેલ છે આપની બેઠકો હજુ પણ વધે તેવી શકયતા છેઃ કુલ ૨૪ બેઠકની મતગણતરી હવે થઈ રહી છે access_time 4:24 pm IST

  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 13,462 કેસ નોંધાયા :કુલ કેસની સંખ્યા 1,10,29,326 થઇ :એક્ટિવ કેસ 1,44,027 થયા: વધુ 13,659 દર્દીઓ સ્વસ્થ થતા કુલ 1,07,24,146 થયા :વધુ 100 લોકોના મોત સાથે કુલ મૃત્યુઆંક 1,56,598 થયા access_time 9:01 am IST