Gujarati News

(ભરત શાહ દ્વારા) રાજપીપળા : નર્મદા જિલ્લામાં હાલ વહેલી સવારે ઠંડી લાગતા લોકો ગરમ વસ્ત્રો કે તાપણા નો સહરો લેતા હોય ત્યારે ઠંડી થી બચવા તાપણું કરતી મહિલા માટે તાપણું જ યમરાજ બની આવ્યું અને તેને જીવ ગુમાવ્યો હતો.

  પ્રાપ્ત માહિતી અનુસાર દેડીયાપાડાના નવાગામ(પાનુંડા) ગામના ખેતરમાં તાપણું કરતી વનીતાબેન સોમાભાઇ વસાવા (ઉ.વ.૫૦)ને અચાનક ઝોકુ આવી જતા તાપણામાં પડી જતા શરીરે દાઝી જતા તેમને સારવાર દેડીયાપાડા બાદ રાજપીપળા સરકારી દવાખાને સારવાર કરાવી ત્યાથી વધુ સારવાર માટે વડોદરા સયાજી હોસ્પીટલ ખાતે દાખલ કરી જ્યાં સારવાર દરમિયાન તેનું મોત થયું હતું.