Gujarati News

અમદાવાદ :આગામી લોકસભા ચૂંટણી માટે કોંગ્રેસ દ્વારા તડામાર તૈયારીઓ થઇ રહી છે અને પ્રદેશકક્ષાએ બેઠકોનો ધમધમાટ શરૂ થયો છે આ દરમિયાન મહત્વની બેઠકમાં કેટલાક ધારાસભ્યોની ગેરહાજરીનો મુદ્દો પણ ચગી રહયો છે જોકે કોંગ્રેસમાંથી લોકસભાની ચૂંટણી લડવા માંગતા મુરતિયાઓની ભરમાર છે.

  જાણવા મળ્યા મુજબ ગુજરાતની 26 સીટ પરથી લોકસભા ચૂંટણી લડવા માટે 140 જેટલા મુરતિયા મેદાનમાં આવ્યા છે જેમાંથી 68 નામો શોર્ટલિસ્ટ કરાયા છે. લોકસભાની 16 સીટો પર સરેરાશ 3 જેટલા નામો સામે આવ્યા છે. જયારે 0 બેઠકો પર સરેરાશ એક કે બે નામ આવ્યા છે. ઉત્તર ગુજરાતમાં 4 લોકસભાની બેઠક માટે સૌથી વધુ 36 ઉમેદવારોએ દાવેદારી કરી છે. એમાંય મહેસાણા લોકસભા સીટ પર સૌથી વધુ 14 નામ આવ્યા છે. મધ્ય ગુજરાતની 5 લોકસભાની સીટ માટે 18 મુરતિયાએ દાવેદારી કરી છે. જયારે સૌરાષ્ટ્રની 8 બેઠક માટે 30 દાવેદારો ટિકિટ માગી છે. દક્ષિણ ગુજરાતની 6 લોકસભા સીટ માટે 15 ઉમેદવારોએ દાવેદારી નોંધાવી છે. અમદાવાદ પૂર્વની સીટ માટે 5 મુરતિયાએ તો અમદાવાદ પશ્ચિમ માટે 3 ઉમેદવારોએ દાવેદારી કરી ટિકિટ માંગી છે. ગાંધીનગરની સીટ માટે 3 ઉમેદવારો મેદાને છે.