Gujarati News

(ભરત શાહ દ્વારા) રાજપીપળા : સૌરાષ્ટ્રમાં ગત ચોમાસે ભારે વરસાદના કારણે અતિવૃષ્ટિ જેવી સ્થિતિ સર્જાઈ હતી,જેથી પશુઓ માટે ઘાસ ચારાની ખુબ જ અછત સર્જાઈ હોય જેના કારણે ત્યાંના પશુ પાલકોએ પોતાના પશુઓના ખોરાક માટે ઘાસ ચારાની શોધમાં મહારાષ્ટ્ર તરફ પ્રયાણ કરવા મજબૂર બન્યા છે, લગભગ ૨૦૦ જેટલા ઊંટોને લઇ ૩ પરિવાર સૌરાષ્ટ્રના કચ્છથી મહારાષ્ટ્ર તરફ જવા મજબૂર બન્યા હોય આ પરિવારો વાયા રાજપીપળા માર્ગ ઉપરથી મહારાષ્ટ્ર તરફ જતા જોવા મળી રહ્યા છે.ત્યારે કોરોના અને લોકડાઉનમાં મનુષ્યની પણ આવક ઘટી છે તેવા સમયે આ કુદરતી આફત અતિવૃષ્ટિમાં હવે પશુઓની પણ હાલત ખરાબ જોવા મળી રહી હોય પશુ પાલકો મજબુર થઈ ગામે ગામ ભટકતા થઈ ગયા છે.