Gujarati News

Gujarati News

News of Monday, 22nd April 2019

ચાર-ચાર બંગડીવાળી ગીત મામલાના દાવામાં કોર્મિશયલ કોર્ટમાં કિંજલ દવેને રાહત : કાર્તિક પટેલનો દાવો ફગાવ્યો

વિવાદીત ગીતનું વેલ્યુએશન કરવામાં આવ્યું ન હોવાથી આ કોર્ટની હદ લાગતી નથી ;રજૂઆત ગાહ્ય

અમદાવાદ :કિંજલ દવેને રાહત મળી છે ચાર ચાર બંગડીવાળી ગીત મુદ્દે થયેલા દાવામાં કોર્મિશયલ કોર્ટમાં કિંજલ દવેને રાહત આપી છે. કર્મિશયલ કોર્ટમાં દાવો ચલાવવા માટે જે ન્યૂનતમ વેલ્યુએશન નિશ્ચિત કરવામાં આવ્યું છે તે મુજબ આ વિવાદીત ગીતનું વેલ્યુએશન કરવામાં આવ્યું ન હોવાથી આ કોર્ટની હદ ન લાગતી હોવાની કિંજલ દવેની રજૂઆત ગ્રાહ્ય રાખી છે અને કાર્તિક પટેલનો દાવો ફગાવ્યો છે.

   આ પહેલાં મૂળ ગુજરાતના અને હાલ ઓસ્ટ્રેલિયામાં રહેતા અને કાઠિયાવાડી કિંગ તરીકે જાણીતા કાર્તિક પટેલે આ મામલે કોપીરાઈટના ભંગનો કેસ કર્યો હતો. પટેલે કોર્ટમાં દાવો કર્યો હતો કે આ ગીત મૂળ તેમણે લખ્યું છે. તેમાં થોડા ફેરફાર કરીને કિંજલ દવેએ ફરીથી બનાવ્યું છે

    ત્યાર બાદ કોમર્શિયલ કોર્ટે કોપીરાઇટ ભંગના કેસને ગ્રાહ્ય રાખી તેને યૂ-ટ્યૂબ સહિત સોશિયલ પ્લેટફોર્મ્સ પરથી હટાવી લેવાનો નિર્ણય કર્યો હતો. આ ઉપરાંત જાહેર કાર્યક્રમોમાં તેને પર્ફોર્મ નહીં કરવાનો પણ આદેશ આપ્યો હતો. 5મી જાન્યુઆરીએ બપોરે તેનું યુટ્યુબ પરનું ગીત હટાવી લેવામાં આવ્યું હતું. ત્યાર બાદ કિંજલ દવેએ આ ચુકાદાને હાઈકોર્ટમાં પડકાર્યો અને હાઈકોર્ટે તેને આ સોંગ ગાવાની છૂટ આપી હતી.

(9:35 pm IST)
  • એનસીપીના શંકરસિંહ વાઘેલાની ભવિષ્યવાણીઃ બીજેપીને ૧૪૦થી ૧૬૦ બેઠક જ મળશે access_time 3:58 pm IST

  • શહિદ પોલીસ અધિકારી હેમંત કરકરે વિરૂધ્ધ નિવેદન અંગે સાધ્વી પ્રજ્ઞાને પણ ચુંટણી પંચે નોટીસ આપી : સાધ્વી પ્રજ્ઞાસિંહ ઠાકુરની પોતાના નિવેદન પર સ્પષ્ટતાઃ સત્ય સામે જરૂર આવે છેઃ દેશ વિરોધી-ધર્મવિરોધી લોકો પોતાના અંતની ચિંતા કરેઃ મને ૯ વર્ષ સુધી જેલમાં રાખવામાં આવીઃ સાધ્વીના અંતની વાત ના કરે access_time 4:01 pm IST

  • કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના પોલીંગ એજન્ટ તરીકે રહી શકાશેઃ હાઈકોર્ટનો ચુકાદો : કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના વ્યકિત પોલીંગ એજન્ટ તરીકે કામ કરી શકશે તેવો હાઈકોર્ટે ચુકાદો આપ્યો છેઃ પોરબંદર પંથકમાંથી હાઈકોર્ટમાં પીટીશન દાખલ કરવામાં આવ્યા બાદ હાઈકોર્ટે ચુકાદો આપ્યો access_time 4:12 pm IST