Gujarati News

Gujarati News

News of Friday, 22nd January 2021

એલ.આર.ડી. ઉમેદવારોની અન્ન-જળ ત્યાગની ચિમકી : તંત્રની મુશ્કેલી વધી

અમદાવાદ, તા., ૨૨: રાજયમાં કોરોના કાળમાં પણ આંદોલનો સમવાનું નામ નથી લેતા જેણે સરકારની મુશ્કેલીઓ વધારી દીધી છે.

એલઆરડી પુરૂષ ઉમેદવારોએ ભરતી બાબતે અન્ન જળ ત્યાગ કરવાની ચીમકી આપતા ચકચાર મચી જવા પામી છે. છેલ્લા ઘણા સમયથી એલઆરડી પુરૂષ ઉમેદવાર તેમની બેઠક વધારવાના મામલે આંદોલન કરી રહયા છે. પણ તેમની સમસ્યાનું નિરાકરણ નહી આવતા તેઓએ ચીમકી  ઉચચારી છે.

પોલીસ દ્વારા તેમની વારંવાર અટકાયત કરી ઘરે પરત કરી દેવામાં આવે છે. ગુજરાતમાં પોલીસમાં એલઆરડીની ભરતી પ્રક્રિયા વખતે ૯૭૧૩ જેટલા ઉમેદવારોની જગ્યા પાડવામાં આવી હતી. જે પૈકી ૬૬૩૬ જગ્યાઓ પુરૂષો માટે તથા ૩૦૭૭ જેટલી જગ્યાઓ મહીલાઓ માટે અનામત રાખવામાં આવી હતી. પરંતુ આ મામલે મહિલા ઉમેદવારોએ વિરોધ કરતા સરકાર નિર્ણય લઇ ર૪૮પ બેઠકો વધારી દીધી હતી.

જેથી મહિલાઓને મળેલા ૩૩ ટકા આરક્ષણની જગ્યાએ ૪૬ ટકા શીટો રીઝર્વ થઇ ગઇ હતી. જેથી પુરૂષ ઉમેદવારો ગાંધીનગર ખાતે અવાર-નવાર આંદોલન કરી  ચુકયા છે. સૂત્રો અનુસાર અનલોક બાદ એલઆરડી પુરૂષ ઉમેદવારોની આંદોલન ચલાવે એ પહેલા જ તેમની અટકાયત કરી દેવામાં આવે છે.

છેલ્લા ૧૦ દિવસમાં ૧૦૦ થી વધુ આંદોલનકારી ઉમેદવારોની અટકાયત કરવામાં આવી હતી. જેથી આ મામલે આગામી સમયમાં એલ.આર.ડી. ઉમેદવારોએ અન્ન-જળ ત્યાગની ચીમકી ઉચ્ચારી છે.

(3:58 pm IST)
  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST

  • ગુજરાતમાં પણ ઝડપભેર લવ જેહાદ વિરુદ્ધ કાયદો આવી રહ્યો છે : ગુજરાત સરકાર નજીકના ભવિષ્યમાં લવ જીહાદ વિરુદ્ધ નવો કાનૂન લાવી રહી છે કોંગ્રેસ પક્ષની આંતરિક ચૂંટણીઓ મે મહિનામાં યોજાય તેવી સંભાવના છે આજે કોંગ્રેસની કારોબારી બેઠક મળી રહી છે access_time 11:44 am IST

  • શેલ્ટર હોમમાં ૩ મહિલાની લાજ લૂંટવામાં આવી: છત્તીસગઢમાં બિલાસપુરના એક શેલ્ટર હોમમાં ત્રણ મહિલાઓના યોન શોષણ નો મામલો બહાર આવ્યો છે એફઆઈઆર દાખલ કરવામાં આવી છે access_time 12:15 am IST