Gujarati News

Gujarati News

News of Wednesday, 21st April 2021

અમદાવાદની વિવિધ બેંકોમાં ડુપ્લીકેટ નોટ જમા : એસઓજીએ કુલ 6.73 લાખની 1963 જેટલી ડુપ્લીકેટ ચલણી નોટો જપ્ત કરી

શહેરની 14 જેટલી બેંકમાં તપાસ: બેંકોમાંથી ડુપ્લીકેટ અને પ્રિન્ટેન્ડ ચલણી નોટો મળી

અમદાવાદ શહેરમાં વિવિધ બેંકોમાં ડુપ્લીકેટ ચલણી નોટો જમા થઈ હોવાની જાણ થતા એસઓજીએ તપાસ હાથધરી હતી. શહેરની વિવિધ બેંકોમાં કેટલીક ડુપ્લીકેટ ચલણી નોટો જમા થઈ છે. તપાસ દરમિયાન એસઓજીની ટીમને કુલ રૂ.6.73 લાખની 1963 જેટલી ડુપ્લીકેટ ચલણી નોટો મળી આવતા જપ્ત કરી હતી. આ અંગે ગુનો દાખલ કરી તપાસ હાથ ધરી હતી.

અમદાવાદમાં કેટલીક બેંકમાં વિવિધ ડુપ્લીકેટ ચલણી નોટો જમા થઈ હતી. શહેરની 14 જેટલી બેંકમાં તપાસ હાથધરી હતી. જો કે આ બેંકોમાંથી ડુપ્લીકેટ અને પ્રિન્ટેન્ડ ચલણી નોટો મળી આવી હતી. જેમાં 2 હજારની 149, 500 ની 423, 200 ની 308, 100 ની 960, 50ની 120 અને 10 ની એક મળીને કુલ 1963 નકલી નોટો મળી આવી હતી. એસઓજીએ આ નકલી નોટો કબ્જે કરી હતી. આ નકલી નોટો અંગે ગુનો દાખલ કરી તપાસ હાથધરી હતી.

તપાસમાં એવુ પણ માનવામાં આવી રહ્યુ છે કે, આટલી મોટી માત્રામાં ડુપ્લીકેટ ચલણી નોટો બેંકોમાં આવી કઈ રીત, તથા આ વિષય પર તપાસ કરતા બેંકના વહીવટી વિભાગ જે મોટા જથ્થામાં નોટો મશીન વડે ગણતા હોય છે તેમાં આવી નોટો આવી ગઈ હોવાનું પોલીસ તથા સત્તા એજન્સીઓનું માનવુ છે. જો કે આ અંગે કડક તપાસ કરવામાં આવે તો નકલી નોટો ક્યાંથી આવે છે તેની કડી મળી શકે એમ છે.

(11:25 pm IST)
  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • કેન્દ્રીય સંરક્ષણ પ્રધાન રાજનાથસિંહના કાર્યાલયમાં મંત્રણાનો દોર શરૂ : જે રાજયોમાં કોરોનાની પરિસ્થિતિ બેકાબુ બની છે તે રાજયોની આર્મી હોસ્પિટલને કોવિડ હોસ્પિટલમાં ફેરવી આમ પ્રજા માટે ખુલ્લી મૂકવામાં આવે તેવા વિચાર કરી રહ્યા છે access_time 12:43 pm IST

  • દેશમાં હાહાકાર મચી ગયો : છેલ્લા 24 કલાકમાં ભારતમાં ઓલટાઈમ રેકર્ડબ્રેક 3 લાખથી વધુ નવા કોરોના કેસ નોંધાયા અને 2050 થી વધુ દુઃખદ મૃત્યુ નોંધાયા : લોકો ખળભળી ઉઠ્યા access_time 11:23 pm IST