Gujarati News

સુરતના રાંદેરના રામનગર વિસ્તારમાં આવેલી રેડ ઝોનની ચેકપોસ્ટ ઉપર CISFનો એક જવાન કર્ફ્યુને લઇને પોતાની ફરજ બજાવી રહ્યો હતો ત્યારે એક યુવક લટાર મારવા નીકળતા આ જવાને તેને ઝડપી લેવાનો પ્રયાસ કર્યો હતો તો તેણે જવાનના હાથમાંથી છટકવા માટે જવાનની આંગળીમાં બચકું ભરી લીધું.

જો કે, જવાનની પક્કડ મજબૂત જ રહેતા અંતે યુવક ઝડપાઇ ગયો હતો, જો કે, ઝડપાઈ ગયેલા યુવકે પોલીસને કહ્યુ હું HIV પોઝીટીવ છું એમ જણાવતા મામલો વધુ ગંભીર બન્યો હતો. આ સાથે જ યુવકની તપાસ કરવામાં આવતા યુવક પાસેથી નીકળી એન્ટી HIVની દવાઓ નીકળતા CISF જવાનને તાત્કાલિક અસરથી સારવાર માટે હોસ્પિટલ ખસેડાયો હતો.