Gujarati News

નડિયાદઃ પશીઓ માટેનો સુકો ઘાસચારો લઈને જતા ચાલુ ટ્રકમાં આગ લાગવાની ઘટના બન્યા પછી એક્સપ્રેસ વે પર વાહનનો થંભી ગયા હતા.

આ ટ્રક કડીથી સુરત તરફ જઈ રહ્યો હતો ત્યારે નડિયાદથી 3 કિલોમીટર દૂર એક્સપ્રેસ હાઈવે પર અચાનક સળગવા લાગ્યો હતો. આગની ઘટના બન્યા પછી એક્સપ્રેસ વે પર અમદાવાદથી વડોદરા જતા વાહનોને થોભાવી દેવામાં આવ્યા હતા.

પ્રાથમિક માહિતી પ્રમાણે ટ્રકનું ટાયર ફાટી ગયા પછી ટ્રક અચાનક આગની ચપેટમાં આવી ગયો હતો અને તેમાં પશુઓનો આહાર ભર્યો હોવાથી તે આગની ચપેટમાં આવી ગયો અને રસ્તાની વચ્ચોવચ્ચ આખો ટ્રક ભડભડ સળગવા લાગ્યો હતો.

બનાવની જાણ થતાં ફાયરબ્રિગેડનો કાફલો ઘટના સ્થળ પર પહોંચ્યો હતો અને આગ પર કાબૂ મેળવી લીધો હતો. આ બનાવ સવારે 7-30 વાગ્યે બન્યો હતો. તે પછી તાત્કાલિક ફાયર બ્રિગેડને ઘટના અંગે જાણ કરવામાં આવી હતી. ફાયર બ્રિગેડની ટીમે બનાવના સ્થળ પર પહોંચીને ટ્રકની આગને કાબૂમાં લઈ લીધી છે.