Gujarati News

Gujarati News

News of Monday, 22nd February 2021

મનસુખ વસાવા ભાજપના પોપટ છેઃ બીટીપીના ધારાસભ્‍ય છોટુ વસાવાના આક્ષેપથી ખળભળાટ

રાજપીપળા: ગુજરાત ભાજપના સિનિયર સાંસદ મનસુખ વસાવા અને ઝઘડિયાના ધારાસભ્ય છોટુ વસાવા વચ્ચે સોશિયલ મીડિયામાં અવારનવાર યુદ્ધ ચાલ્યા જ કરતું હોય છે. ભાજપ સાંસદ મનસુખભાઈ વસાવાને છોટુભાઈ વસાવાએ ભાજપના પોપટ ગણાવ્યા છે. ઉલ્લેખનીય છે કે, આ બન્ને નેતાઓ એકબીજાને આવા અનેક વિશેષણથી સંબોધતા હોય છે.

રાજપીપળા ખાતે નર્મદા જિલ્લા ભાજપે ગુજરાત પ્રદેશ ભાજપ અધ્યક્ષ સી.આર.પાટીલની જાહેરસભાનું આયોજન કર્યું હતું. જેમાં ભાજપ સાંસદ મનસુખ વસાવાએ પોતાના વિરોધીઓને આડેહાથ લીધા હતા. પોતાના આક્રમક સંબોધનમાં એમણે BTPના છોટુ વસાવાને આદિવાસીઓને ઠગનારા તથા ડેડીયાપાડાના ધારાસભ્ય મહેશ વસાવાને મચ્છર ગણાવ્યા હતા. મનસુખ વસાવાએ એમ પણ જણાવ્યું હતું કે, છોટુભાઈ અને મહેશ વસાવા કાચિંડાની જેમ રંગ બદલે છે.

ભાજપ સાંસદ મનસુખ વસાવાના આ નિવેદન બાદ BTP MLA છોટુ વસાવાએ પણ સોશિયલ મીડિયાના માધ્યમથી સણસણતો જવાબ આપ્યો છે. છોટુભાઈએ મનસુખ વસાવાની પોપટ સાથે સરખામણી કરી દીધી છે. એમણે જણાવ્યું કે, મનસુખ વસાવા સાંસદ નથી પણ બંધુઆ જોકરની જેમ ભાજપનો એક પોપટ છે. જે અનુસૂચિ 5 અને ઈકો સેન્સેટિવ ઝોન મુદ્દે કઈ બોલતો નથી. ભાજપ સાંસદ મનસુખ વસાવા અને BTPના છોટુ વસાવા વચ્ચે ફરીથી સોશિયલ મીડિયામાં શરૂ થયેલું આ યુદ્ધ ચર્ચાનું કેન્દ્ર બન્યું છે.

(5:55 pm IST)
  • સોમનાથ મંદિરના પોસ્ટલ પ્રસાદનો પ્રારંભ થયો : રાજકોટઃ જગપ્રસિધ્ધ સોમનાથ મહાદેવ મંદિરનો પ્રસાદ પોસ્ટ મારફત મોકલાવાનો આજથી પ્રારંભ થયો છેઃ ટ્રસ્ટના સેક્રેટરી અને પૂર્વ સનદી અધિકારી શ્રી પ્રવિણભાઈ લહેરીએ પોસ્ટલ પ્રસાદ સેવાનો પ્રારંભ કરાવ્યો હતો access_time 4:33 pm IST

  • ઝારખંડમાં કોંગ્રેસની જન આક્રોશ રેલીમાં થયો ડાન્સ : મંત્રીઓ સામે ડાન્સરે લગાવ્યા ઠુમકા : વિડિઓ વાયરલ થતા ચકચાર : ત્રણ કૃષિ કાયદાના વિરોધમાં દેશભરમાં યોજાતા કાર્યક્રમો વચ્ચે ઝારખંડના સરાયકેલા -ખરસાવા જિલ્લામાં ખેડૂત આંદોલનના સમર્થનમાં જન આક્રોશ રેલી યોજાઈ : મંચ પરથી છોકરીઓ દ્વારા લૈલા ગીતની ધૂન પર ડાન્સ કરાયો હતો જેમાં કાર્યકરોએ પણ ઠુમકા લગાવ્યા હતા access_time 9:27 am IST

  • દેશમાં કોરોનાના ધીમીગતિએ વધતા કેસ :રાત્રે 11 વાગ્યા સુધીમાં કોરોનાના નવા 13,979 કેસ નોંધાયા :કુલ કેસની સંખ્યા 1,10,05,071 થઇ :એક્ટિવ કેસ 1,47,100 થયા: વધુ 9476 દર્દીઓ સ્વસ્થ થતા કુલ 1,06,97,014 થયા :વધુ 79 લોકોના મોત સાથે કુલ મૃત્યુઆંક 1,56,418 થયા access_time 12:09 am IST