Gujarati News

Gujarati News

News of Wednesday, 15th May 2019

ફતેવાડીમાંથી ગેરકાયદે કોલ સેન્ટર પકડાયું : બેની ધરપકડ

બે લેપટોપ, મેજિક જેક, ફોન સહિત મુદ્દામાલ જપ્ત : આરોપી ગૂગલ હેનગાઉટ, વોઇસ દ્વારા અમેરિકી લોકોને ફોન કરી લોન અપાવવાના બહાને છેતરપિંડી કરતા હતા

અમદાવાદ,તા. ૧૪ : શહેરના ફતેવાડી વિસ્તારમાં ગેરકાયદે ચાલતાં વધુ એક કોલ સેન્ટરનો શહેર પોલીસે પર્દાફાશ કરી બે આરોપીઓની ધરપકડ કરી લેતાં સમગ્ર વિસ્તારમાં ભારે ચકચાર મચી ગઇ હતી. પોલીસે બાતમીના આધારે ફલેટમાં ચાલતા ગેરકાયદે કોલ સેન્ટર પર દરોડા પાડયા હતા અને ઘટનાસ્થળેથી બે લેપટોપ, મેજિક જેક, મોબાઇલ સહિતનો મુદ્દામાલ જપ્ત કરી વધુ તપાસ હાથ ધરી હતી. આ અંગે પ્રાપ્ત માહિતી મુજબ, શહેરના ફતેવાડી વિસ્તારમાં ફતેવાડીમાં આવેલી ઝેબા રેસિડેન્સીના ચોથા માળે આવેલા એક ફ્લેટમાં મકાન ભાડે રાખી યુવકો કોલસેન્ટર ચલાવી રહ્યા હોવાની પોલીસને ચોક્કસ બાતમી મળી હતી. જેને પગલે વેજલપુર પોલીસે ભારે ગુપ્તતા સાથે સ્ટાફના કાફલા સાથે ફલેટમાં અચાનક દરોડા પાડયા હતા અને ત્યાંથી બે શખ્સની વેજલપુર પોલીસે ધરપકડ કરી હતી. આરોપીઓ અમેરિકાના નાગરિકોને લોન આપવાના બહાને છેતરપીંડી કરતા હતા. વેજલપુર પોલીસે ફલેટમાં દરોડો પાડી આરોપી મોહંમદ સલમાન પઠાણ (રહે. કચ્છ) અને સંજય વમીયર (રહે. ખોખરા)ની ધરપકડ કરી હતી. આરોપીઓની પૂછપરછ કરતા ગૂગલ હેનગાઉટ અને ગૂગલ વોઇસ દ્વારા અમેરિકાના નાગરિકોને ફોન કરી જેની ક્રેડિટ લિમિટ ઓછી હોય તેવા લોકોને પેડે લોન અપાવવાના બહાને છેતરતા હતા અને નાણાં ખંખેરતા હતા. પોલીસે બે લેપટોપ, મેજિક જેક અને બે મોબાઈલ ફોન સહિતનો મુદામાલ કબ્જે કરી તપાસ શરૂ કરી છે. પોલીસના દરોડા અને ગેરકાયદે કોલ સેન્ટરના પર્દાફાશને પગલે સમગ્ર વિસ્તારમાં ભારે ચકચાર મચી ગઇ હતી.

(9:42 pm IST)
  • મમતા બેનર્જીએ કહ્યું ભગવા પહેરેલ ગુંડાઓએ જે હિંસા કરી એ બાબરી મસ્જિદ તોડી પાડવા જેવી હતી :અમિતભાઇ શાહના રોડ શો દરમિયાન હિંસા બાદ ચૂંટણી આયોગે કરેલ કાર્યવાહી અંગે મમતાએ કહ્યું કે ભાજપના ઈશારે ચૂંટણી આયોગે નિર્ણંય કર્યો :આ નિર્ણંય ચૂંટણી અયોગનો નહીં પરંતુ મોદી અને શાહે લીધો ;ચૂંટણી અયોગનો નિર્ણંય ગેરબંધારણીય છે access_time 1:23 am IST

  • ગુજરાતના તમામ જિલ્લા-શહેરમાં વોન્ટેડ બુટલેગરનો કબ્જો વડોદરા પોલીસ ટ્રાન્સફર વોરંટ આધારે મેળવશે : રાજસ્થાન અને મધ્ય પ્રદેશને બેઈઝ બનાવી ગુજરાતભરમાં રાજકોટ સહિત વિવિધ શહેર-જિલ્લામાં દારૂ સપ્લાય કરવાના ગુન્હામાં વોન્ટેડ એવા વિજુ સિંધીનો કબ્જો રાજસ્થાનથી મેળવવા પોલીસ કમિશ્નર અનુપમસિંહ ગેહલોતે કાર્યવાહી શરૂ કરાવી હોવાનું બહાર આવ્યુ છે. વિજુ સિંધી આમ તો દોઢ વર્ષથી વડોદરામાં ફરકયો નથી access_time 3:22 pm IST

  • કોલકતામાં ભાજપના અધ્યક્ષ અમિત શાહના રોડ શોમાં પક્ષના કેટલાક કાર્યકરોએ હનુમાનજીનું રૂપ ધારણ કરી સૌનું ધ્યાન ખેંચ્યું હતું. access_time 11:14 am IST