Gujarati News

Gujarati News

News of Monday, 4th June 2018

સાંતલપુર તાલુકાના મઢુત્રા ગામમાં તળાવમાં ન્હાવા પડેલ પાંચ બાળકો પૈકી ત્રણનો પાણીમાં ગરકાવ

સાંતલપુર: તાલુકાના મઢુત્રા ગામમાં આવેલા તળાવમાં ન્હાવા પડેલા પાંચ બાળકો પૈકી ત્રણના ડૂબી જવાને કારણે કરૃણ મોત નિપજયા હતા. એક બાળકને ગંભીર હાલતમાં પાટણની ધારપુર હોસ્પિટલમાં સારવાર અર્થે ખસેડવામાં આવ્યો હતો. જયારે પાંચમા બાળક અંગે અટકળો વહેતી થઈ છે. આ ઘટનાને પગલે મઢુત્રા ગામમાં શોકનુ વાતાવરણ ફેલાઈ ગયુ હતુ. તેમજ ઘટના સ્થળે પોલીસ અને વહીવટી તંત્રનો કાફલો પહોચી ગયો હતો.
ગરમી અને બફારાને કારણે લોકો ત્રાહીમામ બન્યા છે. ત્યારે સાંતલપુર તાલુકાના મઢુત્રા ગામમાં વસવાટ કરતા પાંચ બાળકો રવિવારના રોજ ગરમીથી બચવા માટે ગામના તળાવમાં ન્હાવા માટે પડયા હતા.
પરંતુ જોત જોતામાં આ માસુમ બાળકો તળાવના ઊંડા પાણીમાં ડૂબવા લાગ્યા હતા. બાળકોને ડુબતા જોઈને આસપાસના ગ્રામજનો ઘટના સ્થળે દોડી આવ્યા હતા અને સ્થાનિક તરવૈયાઓએ તળાવમાં ડૂબી રહેલા બાળકોને બચાવવા પ્રયાસો હાથ ધર્યા હતા.

(5:25 pm IST)
  • રાજકોટ ડાંગર કોલેજમાં બોગસ ડિગ્રીનો મામલો :જિલ્લા ભાજપ મહામંત્રી ભાનુ મહેતાની એસઓજીએ પૂછપરછ કરી :જિલ્લા ભાજપ કાર્યાલયથી ભાજપના અગ્રણી નેતાની અટકાયત :ડાંગર કોલેજના ટ્રસ્ટના પ્રમુખ છે ભાનુ મહેતા access_time 12:40 am IST

  • કેન્દ્રીય માહિતી પંચ (CIC)એ વડાપ્રધાન કાર્યાલય અને વિદેશ મંત્રાલયને કોહિનૂર હીરો, મહારાજા રણજીતસિંહનું સોનાનું સિંહાસન, શાહજહાનું હરિતાશ્મનો દારૂનો પ્યાલો અને ટીપૂ સુલ્તાનની તલવાર જેવી પ્રાચીન વસ્તુઓ સ્વદેશ પરત લાવવા માટે સરકારનાં પ્રયાસોનો ખુલાસો કરવા માટેનાં નિર્દેશ આપ્યા છે. આ તમામ પ્રાચીન વસ્તુઓ ભારતનો વૈભવી ઇતિહાસનું પ્રતિક છે અને લોકકથાઓનો હિસ્સો છે અને તે અંગ્રેજ સરકાર અને આક્રમણકર્તાઓ દ્વારા લૂંટીને લઇ જવામાં આવ્યા હતા. ત્યાર બાદ હાલ તે વિશ્વનાં અલગ અલગ સંગ્રહાલયોની શોભા વધારી રહ્યા છે. access_time 2:48 am IST

  • કાબુલઃ ધર્મગુરૂઓની શાંતિ સભામાં આત્મઘાતી હુમલોઃ ૮ના મોતઃ ર૦૦૦ લોકો ઉપસ્થિત હતા access_time 4:21 pm IST