Gujarati News

Gujarati News

News of Monday, 4th June 2018

પરિણીત યુવકે કર્યા બીજા લગ્ન

મેટ્રોમોનિયલ સાઇટ પર થયો પ્રેમ, બીજા લગ્ન કરી પહેલી પત્નીને સેલ્ફી મોકલી પછી...

અંબાલા તા. ૪ : બે બાળકોના પિતાએ શાદી ડોટ કોમ પર પોતાના અપરિણિત બતાવીને પ્રોફાઈલ બનાવ્યું. આ બાદ તેણે આગરાની યુવતી સાથે મિત્રતા થઈ અને બાદમાં બંનેએ લગ્ન કરી લીધા. પછી અચાનક એક દિવસે યુવકે તેની પહેલી પત્નીને બીજી પત્ની સાથેની સેલ્ફી મોકલી અને પછી બીજા લગ્નનો ખુલાસો થયો. મહિલાએ પોલીસમાં ફરિયાદ કરી અને તેની ધરપકડ કરાવી.

ઘટના મુજબ ખોજકીપુર સ્થિત પ્રોફેસર કોલોનીમાં રહેનારો નવીન ૧૬ એપ્રિલે પોતાની પત્ની વંદના અને બાળકોને કઈપણ કહ્યા વિના ગુમ થઈ ગયો. જયારે તે ઘણા દિવસો સુધી પાછો ન આવ્યો તો પત્નીએ ગુમ થવાની ફરિયાદ પોલીસમાં નોંધાવી. અચાનક એક દિવસ વંદનાને ફોન પર તેના પતિએ એક તસવીર મોકલી જેમાં તેની સાથે અન્ય મહિલા હતી.

નવીને બીજી મહિલાને પોતાની પત્ની જણાવી. આ બાદ વંદનાએ પોલીસમાં ફરીથી ફરિયાદ નોંધાવી અને બંનેની તસવીરને પોલીસને બતાવી. નવીનને શનિવારે બપોરે અંબાલા સ્થિત મંજી સાહિબ ગુરુદ્વારામાં ભાડાં પર લીધેલા એક રૂમમાંથી ઝડપી લેવામાં આવ્યો. તેની સાથે બીજી પત્ની પણ હતી.

નવીને પોલીસને જણાવ્યું કે લગભગ પાંચ મહિના પહેલા તેના શાદી ડોટ કોમ પર આગરા નિવાસી એક યુવતી સાથે મિત્રતા થઈ. વાતચીત વધતી ગઈ અને બંનેએ એક-બીજાને મોબાઈલ નંબર લઈને ફોન પર વાતચીત કરવાનું શરૂ કરી દીધું. ૧૬મીએ નવીને ટ્રેનથી આગરા પહોંચ્યો. બીજી બાજુ યુવતી પણ ઘરેથી ભાગીને નવીનને મળી.

આ બાદ બંને એક અઠવાડિયા સુધી સાથે રહ્યા અને ૨૪ મેએ મથુરા પહોંચીને એક મંદિરમાં લગ્ન કરી લીધા. નવીને યુવતીને પોતાના પહેલા લગ્ન વિશે નહોતું જણાવ્યું. લગ્ન બાદ બંને અંબાલા પહોંચ્યા અને પહેલા તો એક મકાનમાં છુપાયેલા રહ્યા. કેટલાક દિવસો પહેલા અંબાલા શહેરના મંજી સાહિબ ગુરુદ્વારામાં એક રૂમ ભાડે રાખીને સાથે રહેવા લાગ્યા. વંદનાએ જણાવ્યું કે તેના અને નવીનના લગ્ન વર્ષ ૨૦૦૦માં થયા હતા. બંનેને એક દીકરો અને દીકરી છે.(૨૧.૮)

(9:30 am IST)
  • કાબુલઃ ધર્મગુરૂઓની શાંતિ સભામાં આત્મઘાતી હુમલોઃ ૮ના મોતઃ ર૦૦૦ લોકો ઉપસ્થિત હતા access_time 4:21 pm IST

  • સુરતમાં ૭૦૦ જીઆરડી જવાનોને છુટા કરાવ્યા : હેડ કવાર્ટર ખાતે જવાનો એકઠા થયાઃ ૮ વર્ર્ષની નોકરી બાદ જીઆરડી જવાનોને છુટા કરાયાઃ ફરી નોકરીએ લેવા જવાનોએ અપીલ કરી access_time 3:55 pm IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST