Gujarati News

Gujarati News

News of Monday, 4th June 2018

ઇંધણની કિંમતમાં વધારો અને ખેડૂતોની હડતાળથી શાકભાજીના ભાવમાં ભડકો: રસોડાનું બજેટ ખોરવાયું

રાજકોટ :પેટ્રોલ-ડીઝલના ભાવવધારાનો માર અને ખેડૂતોની દેશવ્યાપી હડતાળને પગલે શાકભાજીની આવક ઓછી થતા  શાકભાજીના ભાવો ભડકે બળી રહ્યા છે. અન્ય રાજ્યોમાંથી આવતા શાકભાજીના જથ્થામાં ભારે ઘટાડો થતાં શાકભાજીના ભાવો સીધા જ ત્રણથી ચાર ગણા થઇ ગયા છે. શાકભાજીના ભાવોને કારણે રસોડાની રાણીનું બજેટ ખોરવાઇ ગયું છે.

 પડતર માંગણીઓને લઇને ખેડૂતોની દેશવ્યાપી હડતાળને કારણે દૂધ, ફળ તેમજ શાકભાજીની ખરીદી-વેચાણ બંધ થઇ જતાં જીવનજરૂરિયાતની ચીજવસ્તુઓની ભારે અછત સર્જાઇ છે. અમદાવાદમાં બહારના રાજ્યોમાંથી શાકભાજીની આવક ઘટી જતાં શાકભાજીના ભાવો આસમાને પહોંચતા ગૃહિણીઓમાં દેકારો બોલી ગયો છે. શ

હાલમાં ચાલી રહેલા શાકભાજીના ભાવોમાં જે કોથમીર 4-5 દિવસ પહેલા 20 રૂપિયે કિલોના ભાવે મળતી હતી.તે કોથમીરના ભાવ સીધા જ પાંચ ગણા એટલે કે 100 રૂપિયા થઇ ગયા છે. તો વટાણાનો અગાઉનો ભાવ 30 રૂપિયા પ્રતિ કિલો હતો. હાલમાં વટાણાના ભાવ પણ 100 રૂપિયા સુધી પહોંચી ગયા છે. તો 15 રૂપિયે કિલો મળતા ટમેટાના પણ સીધા જ ડબલ ભાવ એટલે કે 30 રૂપિયા થઇ ગયા છે. તો વાલોરનો ભાવ પહેલા 30 રૂપિયા પ્રતિ કિલો હતો. જે હાલમાં 70 રૂપિયે કિલોના ભાવે મળી રહી છે. તો મરચાનો અગાઉનો ભાવ 30 રૂપિયા પ્રતિ કિલો હતો. પરંતુ હાલમાં મરચાના ભાવ પણ 50 રૂપિયા થઇ ગયા છે.

 અમદાવાદમાં દરરોજ મહારાષ્ટ્રથી 15 થી 20 ટ્રક ભરીને શાકભાજીની આવક થતી હોય છે. પરંતુ હાલમાં હડતાળને પગલે એકાદ-બે ટ્રક જ પહોંચી રહી છે. પરિણામે સ્ટોરેજમાં પડેલા શાકભાજીના ભાવમાં જંગી વધારો કરાયો છે. શાકભાજીની આવક ઘટતા ભાવો વધ્યાં હોવાનુ શાકભાજીના વેપારીઓનું કહેવું છે.

(9:29 pm IST)
  • ભારતીય મહિલા ક્રિકેટ ટીમે રવિવારે એશિયા કપમાં જીત સાથે શરૂઆત કરી છે. મલેશિયા વિરૂદ્ધ પોતાની પહેલી મેચમાં મિતાલી રાજે 97 રનની અણનમ ઈનિંગની મદદથી ભારતીય ટીમે મલેશિયાને 142 રનથી માત આપી છે. ટાર્ગેટનો પીછો કરવા માટે ઉતરેલ મલેશિયાની ટીમની બેટિંગ લાઈન પત્તાના મહેલની જેમ તૂટી પડી હતી. ટીમનો એકપણ ખેલાડી બે આંકડાના સ્કોર સુધી પહોંચી શક્યો નહતો. બોલરોના શાનદાર પ્રદર્શનથી મલેશિયાની ટીમને માત્ર 27 રન પર ઓલઆઉટ કરી દિધી હતી. access_time 2:48 am IST

  • મુંબઇના આતંકવાદી હુમલાના માસ્ટરમાઇન્ડ હાફિઝ સઇદ, નું સંગઠન જમાત-ઉદ-દાવા 25 જુલાઈથી પાકિસ્તાનમાં સામાન્ય ચૂંટણીમાં અલ્લાહ-હૂ-અકબર તેહરીક દ્વારા લડશે. આ ગ્રૂપે મિલી મુસ્લિમ લીગ (એમએમએલ) ની એક રાજકીય પાર્ટી તરીકે સભ્યપદ મેળવ્યું નથી, આવી સંસ્થાના એક વરિષ્ઠ સભ્યએ આ માહિતી આપી હતી. access_time 2:47 am IST

  • હવે પંજાબ નેશનલ બેંક અને ICICIના ગ્રાહકોને પણ લોન પર વધુ વ્યાજ ચૂકવવુ પડશે કેમ કે, એસબીઆઈ બાદ હવે પંજાબ નેશનલ બેંક અને આઈસીઆઈસીઆઈએ પણ પોતાના વ્યાજદરોમાં વધરો કરી દીધો છે. આઈસીઆઈસીઆઈએ 5 વર્ષ માટે પોતાના લેંડિંગ રેટને 10 બેઝિઝ પોઈન્ટ્સ વધારતા 8.70 ટકા કરવાનો નિર્ણય લીધો છે. જો કે લોન 3 મહિના માટે હશે તો વ્યાજદરમાં ફેર નહિ પડે. access_time 12:22 am IST