Gujarati News

ભાજપએ એના જીતેલા ૯૯ વિધાનસભ્યોનાં મોઢાં મીઠાં કરાવવા માટે કુલ ૯૯ કેક બનાવડાવી છે જે આજે સવારે સૌકોઇના ઘરે પહોંચતી થઇ જશે. બે કિલોની એક એવી આ કેક પર 'હું છું વિકાસ, હું છું ગુજરાત' લખ્યું છે તો એના પર ભાજપના કમળનું નિશાન પણ બનાવવામાં આવ્યું છે. બીજેપીએ આ પ્રકારે પહેલી વખત પોતાના જીતેલા સભ્યોના ઘરે મીઠાઇ મોકલવાનું કામ કર્યું છે. આ અગાઉ કયારેય આ રીતે એણે વિધાનસભ્યોને ત્યાં કોઇ મીઠાઇ મોકલી નથી. આ વિચાર મૂળ તો અમિત શાહનો હતો અને તેમના કહેવાથી ગુજરાત ભાજપ દ્વારા આ કેકનો ઓર્ડર આપવામાં આવ્યો હતો અને રાતે જ એની ડિલિવરી પણ કરી દેવામાં આવી જેથી સવાર પડતાં વિધાનસભ્યોના ઘરે પહોંચી જાય.