Gujarati News

Gujarati News

News of Friday, 20th November 2020

આઇ.પી.એસ. રાજુ ભાર્ગવ કેન્દ્રના ડેપ્યુટેશનમાંથી ગુજરાત પરત : એડીશનલ ડી.જી.પી.નું પોસ્ટીંગ અપાશે

એસ.આર.પી.એફ.ના વડા બનાવાઇ તેવી શકયતા

ગાંધીનગર: ગુજરાત કેડરના 1995 બેંચના એડિશનલ ડીજી રેન્કના આઇપીએસ રાજુ ભાર્ગવ કેન્દ્રના ડેપ્યુટેશનમાંથી ગુજરાત પરત આવી ગયા છે અને હાજર પણ થઇ ગયા છે. રાજય સરકારે હજુ સુધી તેમણે કોઇ ચાર્જ આપ્યો નથી પરંતુ તેમણે ટુંક સમયમાં એડિશનલ ડીજીનું પોસ્ટિંગ આપવામાં આવશે. ગૃહ વિભાગના સુત્રોના જણાવ્યા અનુસાર, તેમણે SRPF ના વડા બનાવે તેવી શકયતા વધારે છે.

ગુજરાત કેડરના 1995 બેંચના સીનિયર આઇપીએસ અધિકારી રાજુ ભાર્ગવ કેન્દ્રમાંથી પ્રતિનિયુકતી પરથી પરત આવી ગયા છે. તે વર્ષ 2013માકેન્દ્રમાં પ્રતિનિયુકતી પર ગયા હતા અને CRPFમાપહેલા ડીઆઇજી અને ત્યારબાદ આઇજી તરીકે પ્રમોશન મેળવ્યુ હતું. તેઓ નકસલ પ્રભાવિત છત્ત્।ીસગઢમાં સીઆરપીએફના કોબ્રા કમાન્ડોના વડા પણ હતા અને છત્ત્।ીસગઢમાં ત્રણ ઓપરેશન પણ હાથ ધર્યા હતા, તેમની પ્રતિનિયુકતી ગયા જૂન મહિનામાં પુરી થતી હતી પરંતુ તેમણે વધુ ત્રણ મહિના માટે CRPFમારાખવામાં આવ્યા હતા.

IPS રાજુ ભાર્ગવ ગુજરાતમાંથી જયારે કેન્દ્રમાં પ્રતિનિયુકતી પર ગયા હતા ત્યારે DIG રેન્કના અધિકારી હતા. 7 વર્ષ કેન્દ્રમાં પ્રતિનિયુકતી પર રહ્યા બાદ તેઓ હવે ગુજરાત આવતા તેમણે એડિશનલ ડીજીનું પ્રમોશન આપવામાં આવશે. આઇપીએસ રાજુ ભાર્ગવ ગુજરાતના મહત્વના જિલ્લા જેવા કે પંચમહાલ, મહેસાણા, સાબરકાંઠા, બનાસકાંઠા જેવા જિલ્લાઓમાં એસપી તરીકે રહી ચુકયા છે. પોલીસ ભવનમાં તેઓ ડીઆઇજી લો એન્ડ ઓર્ડર તરીકે પણ કાર્ય કરી ચુકયા છે. રાજય સરકાર ટુંક સમયમાં રાજુ ભાર્ગવને એડિશનલ ડીજીમાં બઢતી સાથે પોસ્ટિંગ આપશે.

(1:09 pm IST)
  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • શેરબજારમાં પ્રારંભે મોટો ઉછાળો : આજે સવારે શેરબજાર શરૂ થઈ ત્યારે સેન્સેકસમાં સીધો જ ૨૮૨ પોઈન્ટનો ઉછાળો જોવા મળ્યો હતો. અને આંક ૪૩,૮૮૨ ઉપર પહોંચેલ. જયારે નિફ્ટી ૭૮ પોઇન્ટ વધીને ૧૨૮૫૦ના આંકે પહોંચી ગઈ હતી. access_time 12:52 pm IST