Gujarati News

Gujarati News

News of Monday, 20th May 2019

વાજપેયી સરકાર વખતે પણ પોલ ખોટા સાબિત થયા હતા

એક્ઝિટ પોલ ખોટા સાબિત થશે : અમિત ચાવડા : એક્ઝિટ પોલ ગમે તે કહે પરંતુ કોંગ્રેસને હજુ તેમની સરકાર કેન્દ્રમાં બનવાની આશા : સારા દેખાવને લઈને હજુ આશા

અમદાવાદ,તા. ૨૦ :    વડોદરા મહાનગર સેવા સદનના કાઉન્સિલર જીતેન્દ્ર ઠાકોરના બેસણાંમાં પ્રદેશ કોંગ્રેસ પ્રમુખ અમિત ચાવડા અને ભરત સોલંકી સહિતના કોંગ્રેસના આગેવાનો આજે ખાસ ઉપસ્થિત રહ્યા હતા. દરમ્યાન લોકસભાની ચૂંટણી પૂર્ણ થતાં આવેલા તમામ એક્ઝિટ પોલને લઇ પૂછાયેલા પ્રશ્નની પ્રતિક્રિયા આપતાં પ્રદેશ કોંગ્રેસના પ્રમુખ અમિત ચાવડા અને પૂર્વ પ્રમુખ ભરતસિંહ સોલંકીએ દાવો કર્યો હતો કે, તમામ એકઝીટ પોલીસ તા.૨૩મેના રોજ ખોટા સાબિત થશે અને કેન્દ્રમાં યુ.પી.એ. સરકાર બનશે. વાજપેયીની સરકાર વખતે પણ એકઝીટ પોલ ખોટા પડયા હતા, તેથી તેને કંઇ સાચા માની લેવાની જરૂર નથી. પ્રદેશ કોંગ્રેસ પ્રમુખ અમિત ચાવડાએ જણાવ્યું હતું કે, લોકસભા ચૂંટણીના આવી રહેલા તમામ એક્ઝિટ પોલ ખોટા સાબિત થશે અને કેન્દ્રમાં કોંગ્રેસ બહુમતી સાથે સરકાર બનાવશે. ગુજરાતમાં પણ ૧૦થી વધુ સીટો આવશે તેવો વિશ્વાસ તેમણે વ્યક્ત કર્યો હતો. ગુજરાત સરકાર પાણી અને ઘાસની અછત પૂરી કરવામાં નિષ્ફળ ગઇ છે તેમ જણાવતા તેમણે ઉમેર્યું કે, કોંગ્રેસના અગ્રણીઓ સમગ્ર રાજ્યમાં પાણી અને ઘાસચારાની અછત અંગે સર્વે કરી રહ્યા છે. જો સરકાર વહેલી તકે પાણી-ઘાસચારાનો પ્રશ્ન હલ નહીં કરે તો કોંગ્રેસ દ્વારા આગામી દિવસોમાં આંદોલન કરવામાં આવશે. દરમ્યાન પૂર્વ પ્રદેશ કોંગ્રેસ પ્રમુખ ભરતસિંહ સોલંકીએ જણાવ્યું હતું કે, લોકસભાની ચૂંટણી પૂર્ણ થતાં એન.ડી.એ. તરફી આવી રહેલા તમામ એક્ઝિટ પોલ ખોટા સાબિત થશે. અટલ બિહારી વાજપાઇની સરકાર સમયે એક્ઝિટ પોલ ખાટા સાબિત થયા હતા. છેલ્લા ૫ાંચ વર્ષમાં તમામ ક્ષેત્રે નિષ્ફળ ગયેલી ભાજપા સરકાર વિરૂધ્ધ લોકોએ મતદાન કર્યું છે. ગુજરાતમાં પણ ૨૬ માંથી ૧૪થી વધુ સીટો કોંગ્રેસની આવશે અને કોંગ્રેસની બહુમતી આવશે. અમિત ચાવડા અને ભરતસિંહ સોલંકીએ સ્વ.જીતેન્દ્ર ઠાકોર અંગે દુઃખ વ્યક્ત કરતા જણાવ્યું હતું કે, ઠાકોર પરિવાર સામાજીક સેવા કરવામાં વર્ષોથી આગળ રહ્યું છે. પરિવાર વર્ષોથી કોંગ્રેસ સાથે રહીને સમાજની સેવા કરી છે.

        જીતુભાઇ ઠાકોરના પરિવારને ભગવાન આવી પડેલું દુઃખ સહન કરવાની શક્તિ આપે તેવી અમે ભગવાનને પ્રાર્થના કરીએ છીએ.

(7:36 pm IST)
  • અમદાવાદના બોપલ ઘુમા નપામાં બાળમજુરી આવી સામે : ૧૮ વર્ષથી ઓછી વયના કિશોર ચલાવે છે પાલીકાના ટ્રેકટરઃ બાળમજુરી પર બોલ્યા ચીફ ઓફીસરઃ તપાસ કરવામાં આવશેઃ પ્રણવ શાહઃ લાયસન્સ વિના હેવી વાહન ચલાવે છે કિશોર access_time 4:29 pm IST

  • લોકસભા ચૂંટણી પરિણામ પહેલા બસપા સુપ્રીમો માયાવતી લખનઉથી દિલ્હી દોડ્યા: યુપીએ અધ્યક્ષ સોનિયા ગાંધી અને કોંગ્રેસ અધ્યક્ષ રાહુલ ગાંધીને મળશે: ચૂંટણી પ્રચારમાં કોંગ્રેસના વિરોધમાં આક્રમક ભાષાનો ઉપયોગ કરનારી માયાવતીનું આ પગલું ચોંકાવનારું : ભાજપ પ્રણિત એનડીએને બહુમતી ન મળે તો કેન્દ્રમાં નોન-ભાજપ ગઠબંધન સરકાર બનાવવા માટે મનોમંથન થવાની શકયતા access_time 1:37 am IST

  • અમદાવાદના પીએસઆઇ દેવેન્દ્રસિંહ રાઠોડના આપઘાતનો મામલોઃ ૧૫ દિવસમાં ન્યાય ન મળે આપઘાતની ચીમકી : પીએસઆઇના પત્નિ ડીમ્પલ રાઠોડ સચિવાલયમાં ગૃહ રાજયપ્રધાનને ન્યાય માટે રજુઆત માટે પહોંચ્યાઃ અગાઉ આત્મવિલોપનની ચીમકી ને લઇને સચિવાલય બહાર સઘન બંદોબસ્તઃ ગૃહ પ્રધાન પ્રદિપસિંહ જાડેજાને આવેદન પત્ર આપ્યું: ડીવાયએસપીને ધરપકડ કેમ નહિ : ડીમ્પલ રાઠોડ access_time 4:29 pm IST