Gujarati News

Gujarati News

News of Monday, 20th May 2019

ડીસાના લૂંણપુરમાં વાવાઝોડાના કારણે 10થી વધુ મકાનના પતરા ઉડયા : રસોડામાં ખાબકતા મહિલા અને બાળકીને ઇજા

વાવાઝોડાના પગલે બાજરી સહિત પાકોમાં પણ નુકશાન થયું

ડીસા તાલુકાના લૂંણપુર ગામ ખાતે તોફાની વાવાઝોડું ફૂંકાયું હતું.જેના પગલે ગામમાં અનેક ઘરોના પતરા ઉડયા હતા જેમાં એક મહિલા અને એક બાળકીને ઈજાઓ પહોંચી હતી.વાવાઝોડાના પગલે ગામમાં વ્યાપક નુકશાન થવા પામ્યું હતું.જેમાં બાજરીના પાકને પણ મોટું નુકસાન પહોંચ્યું હતું.

 બનાસકાંઠામાં ભારે ઉકળાટ બાદ કરા સાથે વાવાઝોડું અને કમોસમી વરસાદ પડતા અનેક જગ્યાએ નુકશાન થયું હતું.ડીસા તાલુકાના લૂંણપુર ગામ ખાતે અચાનક વાતાવરણ પલટાયા બાદ વાવાઝોડું આવ્યું હતું. અંદાજિત 10 મિનિટ ફૂંકાયેલ વાવાઝોડાના પગલે ગામના પરમાર આલાભાઈ ભિખાભાઈ સહિત 10 થી 15 લોકોના ઘરના પતરા ઉડયા હતા.પરિણામે ગામમાં મોટું નુકસાન થવા પામ્યું હતું.વાવાઝોડાના પગલે બાજરી સહિત પાકોમાં પણ નુકશાન થયું હતું

 . વાવાઝોડામા પતરા ઉડીને નીચે પડતા રસોડામાં કામ કરી રહેલા મિન્કાબેન આલાભાઈ પરમારને તેમજ 8 વર્ષીય ટીનીબેન ભલાજી સોલંકીને ઈજાઓ પહોંચતા સારવાર માટે ડીસા સિવિલ ખાતે ખસેડવામાં આવ્યા હતા.જોકે વાવાઝોડામા વ્યાપક નુકશાન થતા ગામમાં ચિતાનું મોજું ફરી વળ્યું હતું.બનાવને પગલે ગામના સરપંચ પ્રહલાદજી સોલંકી તેમજ માજી સરપંચ સહિત આગેવાનોએ ગામમાં નુકશાન અને તપાસ કરી તંત્રમાં જાણ કરી હતી

(12:12 pm IST)
  • ભાજપ કેરળમાં જીતતી નથી, કારણ કે ત્યાં શિક્ષીત લોકો છે અંધભક્ત નહિં:ભાજપના બાગી સાંસદ ઉદિતરાજનો આકરો પ્રહાર : ઉત્તર પશ્ચિમ દિલ્હીથી ફરી ટીકિટ ન મળતા ભાજપનાં અસંતુષ્ટ સાંસદ ઉદિત રાજે ભાજપ પર હલ્લાબોલ કર્યો :ઉદિત રાજ હવે કોંગ્રેસનો હિસ્સો છે,. 2014માં આ સીટ પરથી ઉદિત રાજે ભાજપનાં બેનર હેઠળ ચૂંટણી લડીને જીત્યા હતાં. એક્ઝિટ પોલ જાહેર થયા બાદ તેમણએ ટ્વિટ કરીને બીજેપી પર હુમલો કર્યો હતો access_time 12:52 am IST

  • ઋષિકપુરને મળવા ન્યુયોર્ક પહોંચ્યા બિઝનેસમેન મુકેશ અંબાણી અને નીતા અંબાણી:ન્યુયોર્કમાં ઈલાજ કરવા ઋષિ કપૂરની ટ્રીટમેન્ટમાં તેમના પત્ની નીતૂ કપૂર તેમનો સાથ આપી રહ્યા છે. ઋષિકપુરે ટ્વીટર પર મુકેશ અંબાણી અને નીતા અંબાણી સાથેનો ફોટો શેર કર્યો હતો. અને લખ્યુ હતુ કે, ધન્યવાદ તમારા પ્રેમ માટે access_time 1:35 am IST

  • ગોડસે પર પસ્તાવો : ર૧ પ્રહર માટે મૌન ધારણ કરશે સાધ્વી પ્રજ્ઞા ફરી માફી માંગી : હવે અઢી દિવસ મૌન રહી તપસ્યા કરશે access_time 4:30 pm IST