Gujarati News

Gujarati News

News of Tuesday, 20th April 2021

ગ્રામ ઉજાલા : જુના સાદા બલ્બના બદલામાં સરકાર માત્ર ૧૦ રૂ.માં નવો બલ્બ આપશે

ગાંધીનગર,તા.૨૦ : દેશનાં દરેક ઘરમાં કિફાયતી ભાવના એલઇડી બલ્બનો પ્રકાશ ફેલાય તે માટે સરકારે 'ગ્રામ ઉજાલા' નામનો નવો પ્રોગ્રામ હેઠળ ગ્રામીણ વિસ્તારોમાં ચાલુ હાલતમાં જૂના સાદા બલ્બના બદલામાં માત્ર ૧૦ રૂપિયામાં એલઇડી બલ્બ ઉપલબ્ધ કરવમાં આવશે. દરેક ઘરને ૭ અને ૧૨ વોટનાં પાંચ એલઇડી બલ્બ મળશે. કેન્દ્રીય ઊર્જા રાજ્ય મંત્રી (સ્વતંત્ર હવાલો) આર કે સિંઘે બિહારના આરા જિલ્લામાં આ સ્કીમ લોંચ કરી હતી. પ્રથમ તબક્કમાં આર (બિહાર), વારાણસી (યુપી), વિજયવાડા (આંધ્રપ્રદેશ), નાગપુર (મહારાષ્ટ્ર)નાં ગામો અને પશ્ચિમ ગુજરાતના ગામોમાં ૧૫ કરોડ એલઇડી બલ્બ વિતરીત કરવામાં આવશે. આ પ્રોગ્રામ કાર્બન ક્રેડિટ દ્વારા ફાઇનાન્સ થશે અને ભારતમાં આ પ્રકારનો પ્રથમ પ્રોગ્રામ હશે. ભારતની કલાઇમેટ ચેન્જ પોલિસીમાં ગ્રામ ઉજાલા પ્રોગ્રામની નોંધપાત્ર અસર પડશે. ભારતમાં તમામ ૩૦ કરોડ લાઇટની જગ્યાએ નવી લાઇટ નાખવામાં આવે તો પ્રતિવર્ષ ૪૦,૭૪૩ મિલિયન Kwhની ઊર્જા બચત અને પ્રતિ વર્ષ ૩૭ મિલિયન ટન કાર્બન ડાયોકસાઇડની બચત થશે.

(12:48 pm IST)
  • રાહુલ ગાંધીને કોરોના : કોંગ્રેસના દિગ્ગજ નેતા રાહુલ ગાંધી પણ કોરોના સંક્રમિત થયા છે : સામાન્ય લક્ષણો જણાતા તેઓઍ ટેસ્ટ કરાવતા કોરોના પોઝીટીવ આવ્યો છે : રાહુલ ગાંધીઍ ટ્વીટ કરી જણાવ્યુ છે કે તેઓના સંપર્કમાં આવેલા લોકો પણ ટેસ્ટ કરાવી લેવા અપીલ કરી છે access_time 3:24 pm IST

  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • 1 મે થી COVID-19 રસી 18 વર્ષની ઉપરના તમામ લોકો લઈ શકશે : રસી ઉત્પાદકો પૂર્વ ઘોષિત ભાવે ખુલ્લા બજારમાં પણ વેચી શકશે : PIBની વેબસાઇટ પર એક અખબારી યાદી મુજબ, રસી ઉત્પાદકોને તેમની રસી ઉત્પાદન ક્ષમતાનો 50% જથ્થો, રાજ્ય સરકારોને અને ખુલ્લા બજારમાં પૂર્વ ઘોષિત ભાવે મુક્ત રીતે વહેંચવાની સત્તા આપવામાં આવશે. access_time 9:57 pm IST