Gujarati News

ગાંધીનગર:રાજયમાં દારૂબંધી હોવા છતાં પરપ્રાંતમાંથી વિદેશી દારૂ મોટો જથ્થો ઘુસાડવામાં આવી રહયો છે ત્યારે ગાંધીનગર એલસીબી-ર ની ટીમ પેટ્રોલીંગમાં હતી તે દરમ્યાન બાતમી મળી હતી કે હિંમતનગર તરફથી એક કારમાં વિદેશી દારૂનો જથ્થો લવાઈ રહયો છે. જે બાતમીના આધારે મહુન્દ્રા પાસે વોચ ગોઠવીને બાતમીવાળી કાર નં.જીજે-૦૧-એચઆર-૬૯૯૯ આવતાં તેને ઉભી રાખી તપાસ કરતાં વિદેશી દારૂની ૫૮ બોટલ મળી આવી હતી. પોલીસે કારમાં સવાર ચાંદખેડાના અમિત જવાનસિંહ કટારા અને અશોક ડામોરને ઝડપી પાડયા હતા. આ દારૂ કયાંથી લવાયો હતો અને કયાં લઈ જવાનો હતો તે જાણવા પોલીસે તપાસ શરૂ કરી છે. હાલ તો પોલીસે ૧.૮૨ લાખ રૂપિયાનો મુદ્દામાલ કબ્જે લઈ વધુ તપાસ શરૂ કરી છે.