Gujarati News

આણંદ: તાલુકાના ખેરડા ગામે રહેતી દક્ષાબેન કનુભાઈ તળપદા (ઉ. વ. ૧૭)એ ગઈકાલે સાંજના પાંચેક વાગ્યાના સુમારે ગામના ભગાનો ડોલ ખાતે આવેલા કૂવામાં પડતુ મુકીને આપઘાત કરી લીધો હતો. 
ઘટનાની જાણ પરિવારજનોને થતાં જ તેઓએ તુરંત જ ખંભોળજ પોલીસને જાણ કરી હતી જેથી પોલીસની ટીમ આવી પહોંચી હતી અને આણંદ ફાયરબ્રીગેડને જાણ કરતાં આજે સવારે ફાયરબ્રીગેડના તરવૈયાઓએ કૂવામાં ઉતરીને લાશને બહાર કાઢી હતી. ખંભોળજ પોલીસે આ અંગે અકસ્માતે મોતનો ગુનો દાખલ કરીને તપાસ હાથ ધરતાં દક્ષાબેન છેલ્લા કેટલાક સમયથી માનસિક બીમારીથી પીડાતી હતી જેને લઈને આપઘાત કર્યો હોવાની શક્યતા છે.