Gujarati News

Gujarati News

News of Tuesday, 19th January 2021

સરસપુરના આંબેડકર હોલમાં આગથી ભારે નાસભાગ મચી

અમદાવાદમાં આગનો સિલસિલો યથાવત : હોલમાં વેલ્ડિંગના કામ દરમિયાન આગ લાગી : ફાયર બ્રિગેડે આગ ઉપર કાબૂ મેળવી લીધો : જાનહાનિ ટળી

અમદાવાદ, તા. ૧૯ : શહેરના સરસપુર વિસ્તારમાં આવેલા આંબેડકર હોલમાં આગ ફાટી નીકળતા દોડધામ મચી ગઈ હતી. આગને કાબૂમાં લેવા માટે ફાયર વિભાગની ૬ ગાડીઓ ઘટનાસ્થળે પહોંચીને કામગીરી શરૂ કરી. પ્રાથમિક તપાસમાં સામે આવ્યું છે કે, આંબેડકર હોલમાં વેલ્ડિંગની કામગીરી કરતી વખતે આગની ઘટના બની હતી. બનાવને પગલે મોટી સંખ્યામાં લોકો ભેગા થઈ ગયા હતા તેમજ પોલીસ કાફલો પણ દોડી આવ્યો હતો.

સરસપુરમાં આવેલા આંબેડકર હોલમાં આગની ઘટનામાં હજી સુધી કોઈ જાનહાનિના સમાચાર મળ્યા નથી. સૂત્રો પાસેથી મળતી માહિતી પ્રમાણે હોલમાં આગ ફેલાઈ જતાં ફાયર બ્રિગેડની વધુ ગાડીઓ બોલાવવાની ફરજ પડી હતી. હાલ ૬ ફાયર ફાઈટર દ્વારા આગ પર કાબૂ મેળવવાની કામગીરી કરવામાં આવી હતી. આગ એટલી ભયાનક હતી કે, દૂર-દૂરથી ધૂમાડાના ગોટેગોટા જોવા મળી રહ્યા હતા.

કોરોના કાળ દરમિયાન રાજ્યની વિવિધ હોસ્પિટલોમાં આગની અનેક ઘટનાઓ બની ચૂકી છે, જેમાં કેટલાય લોકોને જીવ પણ ગયા છે. ૧૦ દિવસ પહેલા બારેજાની મલ્ટિસ્પેશિયાલિટી હોસ્પિટલમાં ભીષણ આગ ફાટી નીકળતા દોડધામ મચી હતી. તેમજ ફાયર વિભાગ પણ દોડતું થયું હતું. બારેજામાં મેઈન રોડ પર આવેલી આસ્થા મલ્ટિસ્પેશિયાલિટી હોસ્પિટલમાં આગ લાગતા અફડાતફડી મચી ગઈ હતી અને લોકોના જીવ અદ્ધર થઈ ગયા હતા. જો કે, આગની ઘટનામાં કોઈ જાનહાનિ ન થતાં હોસ્પિટલ અને સ્થાનિક તંત્રને હાશકારો થયો હતો.

(7:19 pm IST)
  • ' ખેતી કા ખૂન ' : કોંગ્રેસના પૂર્વ અધ્યક્ષ રાહુલ ગાંધીએ બુકલેટ લોન્ચ કરી : નવા કૃષિ કાનૂનથી સમગ્ર દેશની ખેતી ઉપર ચારથી પાંચ કોર્પોરેટ ક્ષેત્રોનો કબજો આવી જશે : પત્રકાર પરિષદમાં સંબોધન કર્યું access_time 8:58 pm IST

  • અમે કોઈપણ ધર્મ કે જાતિનું અપમાન કરવા માંગતા નથી : અમારી સિરીઝથી કોઈની લાગણી દુભાઈ હોય તો માફી માંગીએ છીએ : તાંડવ વેબસીરીઝ મામલે દેશભરમાં ઉઠેલા વિરોધને ધ્યાને લઇ ડાયરેક્ટર ,પ્રોડ્યુસરે માફી માંગી : સિરીઝમાંથી વિવાદાસ્પદ ભાગ કાઢી નાખવાની ખાત્રી આપી access_time 8:44 pm IST

  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST