Gujarati News

Gujarati News

News of Tuesday, 18th September 2018

બંગાળની ખાડીમાં સર્જાયેલ લો પ્રેશરના કારણે સપ્‍તાહના અંત સુધી વરસાદની આગાહીઃ ડબલ ઋતુનો અનુભવ

બંગાળની ખાડીમાં સર્જાયેલ લો પ્રેશરના કારણે સપ્‍તાહના અંત સુધી વરસાદની આગાહીઃ ડબલ ઋતુનો અનુભવ

અમદાવાદઃ બંગાળની ખાડીમાં સર્જાયેલા લૉ પ્રેશરને કારણે આ સપ્તાહના અંત સુધીમાં ગુજરાતમાં હળવા ઝાપટા પડી શકે છે. છેલ્લા કેટલાક સમયથી રાજ્યમાં ડબલ સીઝનનો અનુભવ થઇ રહ્યો છે. બંગાળની ખાડીના ઉત્તરે એક નવી લો પ્રેશર સિસ્ટમ તૈયાર થઇ રહી છે. જેની સીધી અસર ગુજરાત પર થાય એવી સંભાવનાઓ દેખાઈ રહી છે, અને રાજ્યમાં હળવો વરસાદ થઇ શકે છે. એવી આગાહી હવામાન વિભાગે કરી છે કે, લૉ પ્રેશર તૈયાર થવાથી સૌરાષ્ટ્રના કિનારાના વિસ્તારોને સીધી અસર થવાની સંભાવના છે. જેથી સૌરાષ્ટ્ર પંથકમાં હળવા ઝાપટા પડશે. મહત્વનું છે કે, સોમવારે સૌરાષ્ટ્ર પંથકના કેટલાક વિસ્તારોમાં પવન સાથે સામાન્ય વરસાદ પડ્યો હતો.

બંગાળની ખાડીમાં તૈયાર થતી નવી સિસ્ટમની અસર આગામી 48 કલાકમાં થશે. હવામાન ખાતાએ આગાહી કરતા સ્પષ્ટ કર્યુ હતું કે, આગામી પાંચ દિવસમાં નવી સિસ્ટમ સક્રિય થવાને કારણે ગુજરાતમાં હળવો વરસાદ થશે. જોકે, રાજ્યમાં રાત્રે ઠંડક અને દિવસે ગરમી અનુભવાઈ રહી છે. એવામાં વરસાદથી તાપામાનમાં વધુ ઘટડો નોંધાશે. સાયક્લોનિક સરક્યુલેશનને કારણે સૌરાષ્ટ્ર પંથકમાં તેમજ આસપાસના વિસ્તારોમાં વરસાદ પડશે. જ્યારે કચ્છ-ભૂજના વિસ્તારોમાં કોઇ અસર થશે નહીં. એટલે કે સૌરાષ્ટ્ર્ તથા ગુજરાતના કિનારાના વિસ્તારોમાં વરસાદી માહોલ ફરી સર્જાઇ શકે છે.

બંગાળી ખાડીમાં તૈયાર થયેલી નવી સિસ્ટમ પશ્ચિમથી ઉત્તર-પશ્ચિમ તરફ આગળ વઘી રહી છે. હવામાન ખાતાએ જણાવ્યું હતું કે, આગામી શુક્રવાર સુધીમાં સૌરાષ્ટ્ર, મધ્ય ગુજરાત અને દક્ષિણ ગુજરાતમાં હળવો વરસાદ વરસી શકે છે. જોકે, ગુજરાતમાં આ વખતે સરેરાશ 73% વરસાદને થયો છે પરંતુ, હજુ પણ કેટલાક જિલ્લાઓમાં વરસાદની ભારે અછતની સ્થિતિ છે. દ્વારકા, પોરબંદર, જામનગર, મોરબી, રાજકોટ, સુરેન્દ્રનગર, અમદાવાદ, ગાંધીનગર, મહેસાણા, સાબરકાંઠા, અરવલ્લી, ખેડા, પંચમહાલ, મહિસાગર, દાહોદ, છોટા ઉદેપુર, વડોદરા અને તાપી જેવા જિલ્લાઓને અછતગ્રસ્ત વિસ્તારો છે.

અગાઉ પણ ચોમાસાના પ્રથમ તબક્કામાં બંગાળની ખાડીમાં વરસાદી સિસ્ટમ તૈયાર થઇ હતી પરંતુ, આ સિસ્ટમ આગળ ન વધાવાને કારણે જોઈએ એ પ્રમાણે કોઇ વરસાદ પડ્યો ન હતો. આ સિસ્ટમ ગુજરાત સુધી પહોંચી જ ન હતી પરંતુ, મધ્ય પ્રદેશ અને મહારાષ્ટ્રમાં સક્રિય થવાને કારણે આ બંને રાજ્યમાં સારો એવો વરસાદ વરસ્યો હતો. જોકે, ગુજરાતાં બે વર્ષથી તાપમાનમાં પણ વધારો થઇ રહ્યો છે. સોમવારે સુરેન્દ્રનગર અને ડીસાનું તાપમાન 35.7 ડીગ્રી નોંધાયું હતું. ભૂજ 35.2, ગાંધીનગર 34.6, અમદાવાદ 34, વડોદરા 33.6, ભાવનગર 33.5, રાજકોટ 33.4 અને અમરેલીનું 32.4 ડીગ્રી તાપમાન નોંધાયું હતું.

(5:16 pm IST)
  • સુરતમાં બાળકીનું અપહરણ : દુષ્કર્મનો પ્રયાસ : ઈજાના નિશાન : ઉધનામાં બાળકીનું અપહરણ કરી દુષ્કર્મનો પ્રયાસ કર્યો : રેલ્વે ટ્રેક પાસેથી બેભાન અવસ્થામાં બાળકી મળી આવી : તેના શરીર પર ઈજાના નિશાન પણ મળ્યા : સારવાર માટે સુરત સિવિલ હોસ્પિટલમાં ખસેડાઈ access_time 2:33 pm IST

  • ગાંધીનગર વિધાનસભા બહાર કોંગ્રેસી કાર્યકરોની અટકાયત : ટીંગાટોળી કરીને પોલીસે વાહનમાં બેસાડયા : વિધાનસભા પરિસર પોલીસ છાવણીમાં ફેરવાયું : કોંગ્રેસના મહિલા કાર્યકર્તાઓની પણ પોલીસે કરી અટકાયત : વિધાનસભા તરફ ઘેરાવ કરવા આગળ વધતા કોંગી કાર્યકર્તાઓને પકડી લેવાયાઃ અર્જુનભાઇ મોઢવાડીયા સહીત કોંગ્રેસ કાર્યકરોની અટકાયતઃ ભાજપ સરકાર વિરૂધ્ધ સૂત્રોની રમઝટઃ વાહનોની હવા કાઢવાના પ્રયાસ access_time 1:23 pm IST

  • વલસાડમાં વિધર્મી યુવકે સોશીયલ મીડિયામાં હિંદુધર્મ વિરુદ્ધ વાંધાજનક પોસ્ટ કરતા બબાલ: રોષે ભરાયેલા સ્થાનિકોએ વિવાદિત પોસ્ટ કરનાર યુવકને જાહેરમાં ચપ્પલનો હાર પહેરાવી ફેરવ્યો: ઘટનાની જાણ થતા પોલીસ દોડી :યુવકને પોલીસ સ્ટેશન લાવી વધુ તપાસ હાથ ધરી: વિવાદ વધતા જિલ્લા પોલીસના ઉચ્ચ અધિકારીઓ પોલીસ સ્ટેશન પહોંચ્યા:ઘટનાની જાણ થતાં હિન્દુ સંગઠનોના કાર્યકર્તાઓએ સીટી પોલીસ સ્ટેશન દોડ્યા access_time 12:16 am IST