Gujarati News

Gujarati News

News of Monday, 17th May 2021

પાલીતાણાંથી મહુવા વચ્ચે નાની રાજસ્થળી ગામમાં સુસવાટા બંધ ભારે પવનથી વીજ પુરવઠાને અસર:રે વરસાદના ઝાપટાં ડરામણું વાતાવરણ

અમદાવાદ:  પાલીતાણાથી મહુવા જતા રોડ પર આવેલા નાની રાજસ્થળી ગામમાં આજે સાંજે 7 વાગ્યાથી વરસાદનો પ્રારંભ થઇ ગયો હતો. વારંવાર વિજડૂલ થતી હતી. જો કે ગ્રામજનો આવી સ્થિતિથી ટેવાયેલા હોવાથી બહુ તકલીફ થતી ના હતી. પરંતુ સુસવાટા બંધ પવન ફૂંકાતો હતો. તેની સાથે ભારે વરસાદના ઝાપટાં ડરામણું વાતાવરણ લાગતું હતું. સુસવાટાબદ્ધ પવનના કારણે દરવાજા બંધ હોવા છતાં દરવાજાને કોઈ દસ્તક દેતું હોય તેવો સતત ભાસ થતો હતો.

જો કે વિજડુલના કારણે ગ્રામજનોને કોઈ વાંધો ન હતો. પણ ગુજરાતમાં કોરોના હજુ શમ્યો નથી. ત્યાં વાવાઝોડાના કારણે ગ્રામજનોએ ભગવાન વાવાઝોડાને સમાવી દે અને ગુજરાતને નુકસાન ના થાય તે માટે પ્રાર્થના કરતા હતા.

નાની રાજસ્થળી ગામ પાલીતાણાથી 15 કિલોમીટર અંતરે આવેલું છે. આ ગામથી તળાજા 18 કિલોમીટર દૂર આવેલું છે.અને ત્યાંથી મહુવા અંદાજે 36 કિલોમીટરના અંતરે આવેલું છે.

નાની રાજસ્થળી ગામના સરપંચ આશાબેન ભરતકુમાર ત્રિવેદીએ જણાવ્યું હતું કે, ગામડામાં મોટાભાગે લોકોના પાકા મકાનો છે. બાકી થોડાઘણા નળીયાવાળા મકાનો છે. એટલે અહીંયા હજુસુધી કોઈ પ્રશ્ન દેખાતો નથી.

જ્યારે નાની રાજસ્થળી ગામના પૂર્વ સરપંચ ભરતભાઇ કાન્તિલાલ ત્રિવેદીએ જણાવ્યું કે ગામની આસપાસ ડુંગર હોવાથી ગામમાં વધુ નુકસાન થવાની શકયતા ઓછી છે. ગામમાં વીજપુરવઠો વારંવાર જતો રહે છે. અગાઉ વર્ષો પહેલા 80ની સ્પીડમાં વાવાઝોડું ફૂંકાયું હતું. પરતું ત્યારે ગામમાં છાપરાવાળા મકાનો હોવાથી નુકસાન વધુ થયું હતું. જો કે આ વખતે વાવાઝોડાની સ્પીડ વધુ છે. એટલે શું થશે તે કહેવું ઉતાવળિયું રહેશે

(12:02 am IST)
  • 2 થી 18 વર્ષના બાળકોની વેક્સિનના ટ્રાયલ માટે કોવેક્સિનને મંજૂરી મળી : 10 થી 12 દિવસમાં ટ્રાયલ શરૂ કરાશે access_time 10:32 pm IST

  • હવામાન ખાતાએ મોડી રાત્રે જાહેર કર્યા મુજબ સાયક્લોન તૌકતેની આખી આંખ (કેન્દ્ર) હવે સૌરાષ્ટ્રનો દરિયાકાંઠો વટાવી ને પૂર્ણતઃ જમીન પર આવી ગયું છે. ચક્રવાતનો પૂછડીયો (પાછળનો) ભાગ હવે જમીન પર પ્રવેશી રહ્યો છે. અત્યંત તીવ્ર ચક્રવાત તોફાન તૌકતે, જમીન પર પ્રવેશ્યા બાદ થોડો નબળો પડીને તીવ્ર ચક્રવાતી તોફાનમાં પરિવર્તિત થયું છે અને 17 મી મેના રોજ રાત્રે 11:30 વાગ્યે સૌરાષ્ટ્રમાં દીવથી આશરે 30 કિમી ઉત્તર-પૂર્વમાં કેન્દ્રિત હતું અને આગળ વધી રહ્યું છે. access_time 1:43 am IST

  • વાવાઝોડુ ‘તૌકતે’ હજુ પણ ૧૨૦-૧૩૦ કિ.મી. ઝડપે આગળ ધસમસી રહ્યા છે : તૌકતે વાવાઝોડું હજુ પણ ભારે તોફાની ૧૨૦-૧૩૦ કિ.મી.ની ઝડપે (ઝાટકાની ગતિ ૧૪૦ કિ.મી.) સવારે ૬ વાગ્યે અમરેલીથી ઉત્તર, ઉત્તર પૂર્વમાં ૮૫ કિ.મી. ફૂંકાઈ રહ્યાનું ૧૧ વાગ્યે હવામાન ખાતાઍ જાહેર કર્યુ છે. પ્રતિ કલાક ૧૧ કિ.મી. ઝડપે આગળ વધે છે. જા કે તેની આંખ વિખાવા લાગી છે અને નબળુ પડી રહ્યા છે. access_time 12:46 pm IST