Gujarati News

વડોદરાઃવડોદરાના એક સિવિલ કોન્ટ્રાક્ટર અને તેની પત્નીએ ઝેર ગટગટાવી લેતા બંનેને સારવાર માટે હોસ્પિટલમાં લઈ જવાયા હતા.જ્યાં કોન્ટ્રાક્ટરને બચાવી શકાયા ન હતા, જ્યારે તેમના પત્નીની હાલત ગંભીર હોવાનું જણાવાઈ રહ્યું છે.

   મળતી વિગત મુજબ અલ્પેશ ઠક્કરના 38 વર્ષીય પત્ની હીના રેસકોર્સ સ્થિત એક પ્રાઈવેટ હોસ્પિટલમાં સારવાર હેઠળ છે. જ્યાં તેની હાલત ખૂબ જ ગંભીર જણાવાઈ રહી છે. પોલીસે અકસ્માતે મોતનો ગુનો નોંધ્યો છે અને આ મામલે વધુ તપાસ હાથ ધરી છે.

   આ દંપતીએ ક્યા અકળ કારણોસર આ પગલું ભર્યું તે વિશે અંગે પોલીસ તપાસ કરી રહી છે. દરમિયાનમાં અલ્પેશ ઠક્કરના સાળા હિમાંશુના જણાવ્યા મુજબ,’અલ્પેશ ઠક્કર અનેક મોટા પ્રોજેક્ટ્સનું હેન્ડલિંગ સંભાળતા હતા. અલ્પેશને નવ બિલ્ડર્સ પાસેથી અંદાજીત 4 કરોડ રૂપિયા જેવી માતબર રકમ લેવાની બાકી નીકળતી હતી. જે આશરે ચાર વર્ષ કરતાં પણ વધારે સમયથી રોકાયેલી હતી. આ કારણે તેઓ સતત ટેન્શનમાં રહેતાં હતાં. આથી જ તેમને આવું પગલું ભરવાની ફરજ પડી હતી.’