Gujarati News

અમદાવાદ :મુખ્યમંત્રી વિજયભાઈ  રૂપાણીના હસ્તે ગાંધીનગરથી વીડિયો કોન્ફરન્સના દ્વારા તા. ૧૯ જાન્યુઆરીના રોજ અમદાવાદ શહેર અને જિલ્લાના નાગરિકો માટે કુલ રૂ. ૧૪૯ કરોડથી વધુના ખર્ચે વિકાસ કામોનું ઇ-લોકાર્પણ અને ઇ-ખાતમૂહુર્ત કરવામાં આવશે. જેમાં રૂ. ૩૭.૬૯ કરોડના ખર્ચે વિવિધ વિકાસ કામોના ઇ-લોકાર્પણ તેમજ રૂ. ૧૧૧.૯૧ કરોડથી વધુના ખર્ચે વિકાસ કામોનું ઇ-ખાતમૂહુર્તનો સમાવેશ થાય છે.  
  જેમાં અસારવા અને મણીનગર વોર્ડમાં હાઉસીંગ પ્રોજેક્ટ તેમજ જોધપુર વોર્ડમાં પાર્ક્સ એન્ડ ગાર્ડનના લોકાર્પણના કામો આ ઉપરાંત વેજલપુર વોર્ડ, જમાલપુર, દરિયાપુર, ખાડિયા, થલતેજ, ખોખરા, વસ્ત્રાલ, ચાંદલોડિયા, સરસપુર, રખિયાલ, સરદારનગર અને ચાંદખેડા વોર્ડમાં અર્બન હેલ્થ સેન્ટર, વોટર પ્રોજેક્ટ, ડ્રેનેજ પ્રોજેક્ટ અને બિલ્ડિંગ પ્રોજેક્ટના ખાતમુહૂર્તનો સમાવેશ થાય છે.