Gujarati News

Gujarati News

News of Thursday, 17th October 2019

એચડીએફસીની પોલિસીના બહાને યુવક સાથે છેતરપિંડી

ચીટર યુવતી સહિત ચાર જણાં સામે ફરિયાદ : બોડકદેવના યુવકને એચડીએફસી લાઇફ ઇન્શ્યોરન્સની પોલિસી હેઠળ ઉંચા અને આકર્ષક વ્યાજની લાલચ આપી

અમદાવાદ, તા.૧૭ :  એચડીએફસી લાઇફ ઇન્શ્યોરન્સની પોલિસી હેઠળ ઉંચા અને આકર્ષક વ્યાજની લાલચ આપી બોડકદેવના યુવક સાથે રૂ.૧૦.૨૦ લાખની ઠગાઇ અને છેતરપીંડી કરનાર યુવતી સહિત ચાર જણાં સામે શહેરના વસ્ત્રાપુર પોલીસમથકમાં ફરિયાદ નોંધાવા પામી છે. પોલીસે હવે સમગ્ર મામલે ઝીણવટભરી તપાસ હાથ ધરી આરોપીઓને પકડવાના ચક્રો ગતિમાન કર્યા છે. આ અંગે પ્રાપ્ત માહિતી મુજબ, બોડકદેવના સીમંધર ટાવરમાં રહેતા માર્કંડેય ઓઝા સાણંદ ખાતે એક ખાનગી કંપનીમાં નોકરી કરે છે. ઓકટોબર-૨૦૧૭માં માર્કંડેય પર એક અજાણ્યા નંબર પરથી ફોન આવ્યો હતો. ફોન કરનાર યુવતીએ કહ્યું કે, હું એચડીએફસી બેન્ક લાઈફ ઇન્શ્યોરન્સમાંથી બોલું છું. એચડીએફસી લાઈફ ઇન્સ્યોરન્સની પોલિસી લેવાથી માર્ચ-૨૦૧૮માં ૧૩ ટકા વ્યાજ અને ૨૫ ટકા બોનસ તમારા બેન્ક એકાઉન્ટમાં જમા થશે. આમ કહીને યુવતીએ પોલિસી આપવાની ઓફર કરી હતી. ત્યારબાદ માર્કંડેયે એક લાખ રૂપિયાની પોલિસી તેમના નામ પર લીધી હતી. તેના થોડા દિવસ પછી યુવતીએ ફરી ફોન કરીને પત્નીના નામની પોલિસી લેવા કહ્યું. જેના છ મહિનાના મેડિકલ બિલના રૂપિયા કંપની તરફથી આપવામાં આવશે. આથી માર્કંડેયે બીજા રૂપિયા જમા કરાવ્યા હતા. થોડા દિવસ પછી ફરી ફોન આવ્યો કે તમારા પ્રીમિયમના રૂપિયા એજન્ટને મળે છે તે તમને મળશે, ત્રીજી એક પોલિસી લઇ લો, તો તમારા બધા રૂપિયા તમારા એકાઉન્ટમાં આવી જશે. તે પછી અન્ય ચાર યુવકોએ માર્કંડેયને પોલિસીના નામ પર સ્કીમ આપતાં તેમણે વિશ્વાસમાં આવી જઇ મે-૨૦૧૯ સુધીમાં ટુકડે ટુકડે ૧૦.૨૦ લાખ રૂપિયા યુવતી તેમજ અન્યના ખાતામાં ટ્રાન્સફર કરી દીધા હતા. એ પછી માર્કંડેય પર એક દિવસ આરબીઆર ઓફિસર વાત કરું છું તેમ કહીને ચાર લાખ રૂપિયા માગતા હોવાનો ફોન આવ્યો હતો.

પાછળથી તેને પોતાની સાથે છેતરપિંડી થઇ હોવાનો એહસાસ થતાં તેણે શહેરના વસ્ત્રાપુર પોલીસમાં અજાણી યુવતી સહિત અન્ય ચાર શખ્સ વિરુદ્ધમાં ફરિયાદનોંધાવી છે. હાલ પોલીસે જે નંબર પરથી ફોન આવ્યો હતો તેના આધારે સઘન તપાસ હાથ ધરી છે.

(9:37 pm IST)
  • રાજકોટમાં પ્રથમ નોંધાયો ત્રિપલ તલાકનો ગુનો : ભક્તિનગર પોલીસ સ્ટેશનમાં નોંધાયો ત્રિપલ તલાકનો ગુનો access_time 1:10 am IST

  • ડેનમાર્ક ઓપનના પહેલા રાઉન્ડમાં સાયના નહેવાલનો પરાજય : બર્ટની ટોચની મહિલા ખેલાડી સાયના નેહવાલ ડેનમાર્ક ઓપન બેટમિંગટન ટુર્નામેન્ટના પહેલા રાઉન્ડમાં હારી : જયારે પુરુષમાં સમીર વર્મા પહેલા રાઉન્ડનો મેચ જીતવામાં સફળ : મિક્ષ ડબલમાં પ્રણવ જૈરી ચોપડા અને એન,સિક્કી રેડીની જોડીએ પણ જીત મેળવી access_time 1:07 am IST

  • ભૂતપૂર્વ વડાપ્રધાન મનમોહન સિંઘે કહ્યું છે કે અમે સાવરકરના વિરોધી નથી પરંતુ તેમની હિન્દૂ વિચારધારાનો વિરોધ કરીએ છીએ. એ દરમીયાન ગૃહમંત્રી અમિતભાઈ શાહે કહ્યું છે કે રાષ્ટ્ર માટે સાવરકરજીએ જે બલિદાન આપ્યું છે તે બીજા કોઈએ આપેલ નથી. access_time 1:17 am IST