Gujarati News

Gujarati News

News of Wednesday, 17th October 2018

અમદાવાદમાં દસ માસનું બાળક બેટરીનું બટન ગળી જતા સર્જાય આ સમસ્યા

અમદાવાદ:બેટરી બટન ધરાવતા ચાઇનિઝ રમકડાં બાળકો માટે કેટલી હદે ઘાતક પુરવાર થઇ શકે છે તેનો એક કિસ્સો સામે આવ્યો છે. તાજેતરમાં જ માત્ર 10 માસનો શિવાંશ પંડિત ચાઇનિઝ રમકડાં સાથે રમતી વખતે આકસ્મિક રીતે ચાઇનિઝ બટન ગળી જતાં તેની શ્વાસ નળી, અન્ન નળીમાં દોઢ સેન્ટિમીટરનું કાણું પડયું હતું. રાહતની વાત એ છે કે સમયસર સારવાર થતાં માતા-પિતાના કાળજાનો કટકો શિવાંશ હવે ધીરે-ધીરે સ્વસ્થ થઇ રહ્યો છે.
કોઇ પણ માતા-પિતા માટે તેમનું સંતાન જીવથી વિશેષ હોય છે અને તેનું સ્વાસ્થ્ય કથળવાનો વિચાર પણ તેમનો જીવ અદ્ધર કરી શકે છે. આવી જ કંઇક વિકટ સ્થિતિનો સામનો ભાવનગરના શિવાંશ નલિન્દ પંડિતના માતા-પિતાએ  કર્યો હતો. સામાજીક કારણોસર શિવાંશ અને તેના માતા-પિતા અમરેલી ગયા હતા.

જ્યાં શિવાંશ બેટરી બટન ધરાવતા રમકડાથી રમી રહ્યો હતો. અચાનક જ શિવાંશને વોમિટ થવા લાગી અને તે કોઇ રીતે બંધ જ નહીં થતાં તેને તાકીદે ડોક્ટર પાસે લઇ જવામાં આવ્યો હતો. અમરેલીના ડોક્ટર દ્વારા ત્યારે એવું નિદાન કરવામાં આવ્યું કે તેને ન્યૂમોનિયા છે અને થોડા દિવસમાં સાજો થઇ જશે. ૪ ઓક્ટોબરના પોતાના નિવાસસ્થાન ભાવનગર આવ્યા બાદ પણ શિવાંશની તબીયતમાં સુધારો થઇ રહ્યો નહોતો અને જે પણ કંઇ ખોરાક લે કે પાણી પીવે તો તે વોમિટથી બહાર આવી જતું હતું.

(5:04 pm IST)
  • અંકલેશ્વરના સારંગપુર ગામના સરપંચ અને તલાટી 10 હજાર ની લાંચ લેતા એસીબીના હાથે ઝડપાયા :સરપંચ ગોપાલ વસાવા અને તલાટી દિનેશ પટેલ સારંગપુર ગામ પંચાયતમાં સ્ટ્રીટ લાઇનના બરોડાના સપ્લાયર પાસેથી બિલ પાસ કરવાના માગ્યા હતા10 હજાર:એસીબીએ છટકું ગોઠવી સરપંચ અને તલાટીને ઝડપી પાડી કાયદેસર ની કાર્યવાહી હાથ ધરી access_time 1:15 am IST

  • આદિવાસીના બંધારણીય અધિકારોનું રક્ષણ કરતા કાયદાને રાષ્ટ્રપતિએ મંજૂરી આપી : વિધાનસભાના બજેટ સત્ર દરમિયાન પસાર કરાયો હતો કાયદો :કાયદાને રાજ્યપાલની ભલામણથી રાષ્ટ્રપતિ સમક્ષ મોકલાયો હતો : હવે ખોટા પ્રમાણપત્રો મેળવનાર સામે થઇ શકશે કડક કાર્યવાહી access_time 4:49 pm IST

  • 22મીથી તલાટીઓની રાજ્યવ્યાપી હડતાળ :ગુજરાત રાજ્ય તલાટી મહામંડળ દ્વારા ૨૨ તારીખ થી રાજ્યવ્યાપી હડતાળની જાહેરાત કરી : ગુજરાત રાજ્ય તલાટી મહામંડળની મળેલી બેઠકમાં લેવાયો નિર્ણય :લાંબા સમયથી પડતર પ્રશ્નોનુ નિરાકરણ નહીં આવતા આખરે આ નિર્ણય લીધો :૨૨મીએ રાજ્યભરની પંચાયતનો વહીવટ ઠપ્પ કરવાની ચીમકી ઉચ્ચારી access_time 1:05 am IST