Gujarati News

અમદાવાદમાં એક ખાનગી રેડિયો સ્ટેશનના પાંચ રેડિયો જોકી સામે ફરિયાદ નોંધાવવામાં આવી છે. પાર્ટી પ્લોટમાં ગરબા સમયે સ્ટેજ પરથી આલ્બમ સીડી ફેંકવામાં આવી હતી. આ સીડી નાના બાળકને વાગી હતી. જેને લઈને લોકોની સલામતી જોખમાય તે અંગેનો ગુનો નોંધાયો છે.

  જણાવા મળ્યા મુજબ સિંધુભવન રોડ પર માહી પાર્ટી પ્લોટમાં ગરબા મહોત્સવનું આયોજન થયુ છે. જ્યાં ગરબા દરમિયાન સ્ટેજ પરથી સીડી ફેંકવામાં આવી હતી. ત્યારે તે સીડી વાગતા બાળકને સંજીવની હોસ્પિટલમાં પણ ખસેડવામા આવ્યો છે. આરજે દેવકી,  નિષિતા,  હર્ષ, ધ્રુમિલ, આયુષ સામે વસ્ત્રાપુર પોલીસ મથકે ગુનો નોંધાયો.