Gujarati News

વડોદરામાંથી સરકારી યુરિયાનું ગેરકાયદેસર વેચાણનું કૌભાંડ ઝડપાયું છે. ગ્રેટ યુરિયાની થેડીમાં સરકારી યુરિયા ટ્રાન્સફર કરી આરોપીએ તેને ઊંચા ભાવે વેચતા હતા. ક્રાઇમ બ્રાન્ચની ટીમે બાતમીના આધારે પદમલા રણોલી રેલવે સ્ટેશન પાસે આવેલા ગોડાઉનમાં દરોડા પાડ્યા હતા.

ક્રાઇમ બ્રાન્ચે દરોડા પાડ્યા ત્યારે ગોડાઉનમાં રહેલા ટ્રકમાં ગ્રેટ યુરિયાની થેલી અને સરકારી યુરિયાની થેલીઓ મળી આવી હતી. પોલીસે વજન કાંટો, સિલાઈ મશીન, પાવડો મળી કુલ 13.29 લાખનો મુદ્દામાલ જપ્ત કર્યો હતો. તો બે આરોપીઓ ઇમરાન વોરા અને હસમુખ પટેલની ધરપકડ પણ કરી હતી.