Gujarati News

વડોદરા:સરકારી વિભાગોની વસાહતોમાં બંધ મકાનોનો માથાભારે બુટલેગરો ઉપયોગ કરી દારૂનો ધંધો કરતા હોવાની માહિતીના આધારે ગઈકાલે વડોદરા રેલવે પોલીસે નવાયાર્ડ રેલવે કોલોનીના બંધ મકાનમાંથી રૂપિયા 54 હજારની કિંમતનો વિદેશી દારૂ જપ્ત કરી બુટલેગરોની તપાસ શરૂ કરી છે. 

રેલવે પોલીસને મળેલી બાતમીના આધારે, એ.એસ.આઇ રમેશભાઈ તથા તેમના સ્ટાફ ગઇરાત્રે નવાયાર્ડ વિસ્તારની સરદાર નગર રેલવે કોલોનીના મકાન નંબર D.. 284 જે મકાન બંધ હાલતમાં હતું તેનું તાળું તોડી તપાસ કરતાં પરપ્રાંતમાંથી વિદેશી દારૂનો જથ્થો લાવીને આ મકાનમાં સંતાડવામાં આવ્યો હોવાનું જણાઈ આવ્યું હતું.