Gujarati News

Gujarati News

News of Monday, 17th May 2021

મ્યુકોરમાઈકોસીસે એક ડોકટરનો જીવ લીધો : હાલોલમાં શ્રીજી ક્લિનિકના ડોકટરનું મોત

હાલોલમાં આ પ્રકારનો પ્રથમ કેસ નોંધાતા નગરમાં ફફડાટ ફેલાયો

હાલોલ : પંચમહાલ જિલ્લામાં કોરોનાનો કહેર યથાવત છે.ત્યા મ્યુકોરમાઈકોસીસ નામની બિમારીએ પડતા પર પાટુ મારવા જેવી નોબત ઉભી કરી છે. જિલ્લાના હાલોલ નગરમાં ખાનગી હોસ્પિટલના તબીબને આ રોગ જીવલેણ સાબિત થયો છે.આ બિમારીના પગપેસારાને પગલે હાલોલ નગરમાં લોકોમા ફફડાટ ફેલાયો છે.

પંચમહાલ જિલ્લામાં એક બાજુ કોરોનાના કેસોમાં વધારો જોવા મળી રહ્યો છે. લોકો કોરોનાના કહેરથી મુક્ત થાય તે માટે તબીબો પણ રાત દિવસ સેવા કરી રહ્યા છે.

તેમજ કોવિડ સેન્ટરોમાં દર્દીઓની સારવાર પણ ચાલી રહી છે. એક બાજુ કોરોનાને કારણે મોત પણ થયા છે. લોકો આ કોરોનામાંથી મૂક્ત થાય તેવી ભગવાનને પ્રાર્થના કરી રહ્યા છે. પરંતુ કોરોનાની સાથે હવે એક નવા મ્યુરોમાઈકોસિસ નામના રોગના લક્ષણો માણસોમાં દેખાતા ફફડાટ વ્યાપ્યો છે. જિલ્લાના હાલોલ નગરના કંજરી રોડ ઉપર શ્રીજી કલીનીક નામનુ દવાખાનું ચલાવતા ડો.તુષારકુમાર પટેલ મ્યુરોમાઈકોસિસનો ભોગ બન્યા હતા.આ પહેલા તેઓ કોરોના પોઝીટીવ હતા.અને સારવાર બાદ સાજા થયા હતા.જ્યા તેમને નવા મ્યુરોમાઈકોસિસના લક્ષણો દેખાતા સારવાર માટે ખાનગી હોસ્પિટલમાં સારવાર અર્થે દાખલ કર્યા હતા.જ્યા તેઓનુ નિધન થયુ હતુ.હાલોલમાં આ પ્રકારનો પ્રથમ કેસ નોંધાતા નગરમાં ફફડાટ ફેલાયો છે.

(11:50 pm IST)
  • મુંબઈમાં ભારે વરસાદ પડી રહ્યો છે અને મુંબઇ 100 કિ.મી. પ્રતિ કલાકની ઝડપે ભારે પવન ફૂંકાઈ રહ્યો છે. હાલમાં મુંબઇમાં NDRFની ત્રણ ટીમો તૈનાત કરવામાં આવી છે અને 5 ટીમો એલર્ટ પર છે. મુંબઈમાં 5 સ્થાનો પર અસ્થાયી આશ્રય ઘરો બનાવવામાં આવ્યા છે, જેથી લોકોને જરૂર પડે તો અહીં સ્થળાંતર કરી શકાય. વેસ્ટર્ન મુંબઈમાં NDRFની ત્રણ ટીમો અને પૂરથી સુરક્ષા માટે ફાયર બ્રિગેડની 6 ટીમો પણ તૈનાત કરવામાં આવી છે. અહીં બપોરે 2 વાગ્યા સુધી એરપોર્ટ પણ બંધ કરવાની જાહેરાત કરવામાં આવી છે. access_time 5:28 pm IST

  • પશ્ચિમ બંગાળ : નારડા કેસમાં સીબીઆઈ દ્વારા ધરપકડ કરાયેલા તૃણમૂલ કોંગ્રેસના બે પ્રધાનો સહિત ચારેય લોકોને શહેરની અદાલત દ્વારા જામીન આપવામાં આવ્યા : આ લોકોની ધરપકડ બાદ બંગાળમાં રમખાણ જેવું વાતાવરણ થઈ ગયું હતું access_time 7:15 pm IST

  • રાજકોટ : નેશનલ સેન્ટર ફોર સિસ્મોલોજી મુજબ રાજકોટમાં આજે સવારે રિક્ટર સ્કેલ પર 3.8 ની તીવ્રતાનો ભૂકંપ આવ્યો હતો : ભૂકંપ 03:37:18 વાગ્યે સવારે રાજકોટથી દક્ષિણમાં 10 કિલોમીટરની ઉંડાઈએ આવ્યો હતો. access_time 9:27 am IST