Gujarati News

Gujarati News

News of Tuesday, 17th April 2018

નવસારીમાં પાણી પ્રશ્ને હલ્લાબોલ :વાંસદાના ધારાસભ્ય અને પંચાયતના સભ્યો કચેરીએ દોડી ગયા

નવસારીમાં પાણી પુરવઠાની તાંત્રિક કચેરી ખાતે પાણી મુદ્દે હલ્લાબોલ થયો હતો વાંસદાના ધારાસભ્ય અનંત પટેલ તેમજ તાલુકા અને જિલ્લા પંચાયત સભ્યોએ હલ્લાબોલ કર્યો હતો  કચેરીમાં જમીન પર બેસીને પાણીની તંગી મુદ્દે વિરોધ વ્યક્ત કરીને દેખાવ કર્યા હતા
  સરકારે બોર બનાવવાની મંજૂરી આપતાં પક્ષપાત કર્યો હોવાનો આક્ષેપ કર્યો હતો ભૂગર્ભ જળ નીચે જતાં રહેતા સ્થાનિકોને પાણીની સમસ્યા વેઠવાનો વારો આવ્યો છે. ત્યારે વાંસદાના ધારાસભ્ય અનંત પટેલની આગેવાનીમાં કોંગ્રેસના કાર્યકરોએ ચીખલીમાં પાણી પુરવઠાની કચેરીએ હલ્લાબોલ કરીને બોર કરી આપવાની માગ સાથે દેખાવ કર્યા હતા. તો આગામી સમયમાં ચીખલી અને ખેરગામના લોકોએ પણ હલ્લાબોલ કરવાની ચીમકી ઉચ્ચારી. મામલો ઉગ્ર બનતાં કાર્યપાલક ઈજનેરે બોર માટે ઉચ્ચ અધિકારીઓને રજૂઆત કરવાનું આશ્વાસન આપ્યું હતું

(1:00 am IST)
  • કોંગ્રેસના રાષ્ટ્રીય અધ્યક્ષ રાહુલ ગાંધી સોમવારે ત્રણ દિવસની મુલાકાત માટે પોતાના સંસદીય વિસ્તાર અમેઠી પહોંચ્યા હતાં. રાહુલ ગાંધી અમેઠીના એક સ્કૂલના કાર્યક્રમમાં સંબોધન માટે પહોંચ્યા હતાં.રાહુલ ગાંધીને એક વિદ્યાર્થિનીએ પૂછ્યું કે દેશમાં જે નિયમ બને છે તેને ગ્રામીણ વિસ્તારોમાં સાચી રીતે શા માટે લાગુ પાડવામાં આવતાં નથી. જેના જવાબમાં રાહુલે તરત જ કહ્યું કે,’એ તમે મોદીજીને પૂછો. સરકાર મોદીજી ચલાવે છે. અમારી સરકાર નથી. જ્યારે અમારી સરકાર હશે ત્યારે અમે જવાબ આપીશું.’ access_time 3:59 am IST

  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST

  • પ્રમોશન -બઢતીમાં દલિત/એસટી ક્વોટમાં માટે સરકાર સુપ્રીમ કોર્ટમાં જશે તેમ એક કેન્દ્રીય પ્રધાને કહ્યું છે access_time 10:50 pm IST