Gujarati News

Gujarati News

News of Monday, 16th April 2018

પાદરાના રણુંમાં દિયરના ત્રાસથી કંટાળી ભાભીએ મોતનેઘાટ ઉતારી દીધો

પાદરા :તાલુકાના રણુ ગામે આજે સવારે ચોંકાવનારી ઘટનાથી ચકચાર મચી ગઇ હતી સગા ભાભી એ જ તેના દિયરને છરીના ઘા ઝીંકી મોતને ઘાટ ઉતારી દીધો હતો. ઘટનાની જાણ થતાં પાદરા પોલીસે ઘટના સ્થળે પહોંચી તપાસ હાથ ધરી હતી. ગાળાગાળી કરતા દિયરથી ત્રાસેલી ભાભીએ દિયરનું કટર ચાકુ આંચકી લઇ ખચાખચ ઘા ઝીંક્યા દિયરે દાતરડું માગતા ભાભીએ નહીં આપતા ગ્ તેમ ગાળો આપતા દિયર પર ગુસ્સે ભરાયેલી ભાભીએ કટર ચપ્પુ વડે દિયરની હત્યા કરી હતી. દિયરના જ ખિસ્સામાંથી ચપ્પુ કાઢી ભાભી એ દિયરના ગળાના ભાગે ઉપરાછાપરી ઘા માર્યા હતા. અવારનવાર હેરાન કરતા દિયરને ભાભીએ મોત ને ઘાટ ઉતારી દીધો હતો. ત્યાર બાદ લોહી વાળું ચપ્પુ (કટર) તેમજ કપડા ધોઇ તેમજ હત્યા કરેલ ઓરડામાં પડેલ લોહી લૂછી કાઢી અને ચંપલ સંતાડી પુરાવાનો નાસ કર્યો હતો. પાદરા તાલુકામાં એક જ મહિનામાં ત્રણ હત્યા ના બનાવો બનતા સમગ્ર પાદરા પંથકમાં ચકચાર મચી જવા પામી હતી. છેલ્લા સાત વર્ષથી દિયરના છુટા છેડા થઇ જતા તે ભાભીને હેરાન કરતો હતો. જ્યારે તેમની વિધવા દીકરી પિયરમાં રહેતી હતી જેના કારણે અવારનવાર તે બાબતને લઇ ને ઘરમાં બોલાચાલી અને તકરાર થતી રહેતી હતી. આજે સવારે પણ બોલાચાલી થવા પામી હતી, દાતરડું માગવા બાબતે તકરાર થતા જેના કારણે ભાભી ને ગુસ્સો આવતા ભાભીએ દિયરના ગળાના ભાગે કટર વડે ઘા ઝીંકી દિયરને મોતને ઘાટ ઉતાર્યો હતો. આરોપી કુસમબેન નગીનભાઇ પરમાર (ભાભી) એ તેના દિયર રાયસંગ રૃપાભાઇ પરમારની હત્યા કર્યાનો ગુનો નોંધાયો છે. ઘરના તમામ સબ્યો બહાર હતા ત્યારે આ હત્યાને ભાભીએ અંજામ આપ્યો હતો. પાદરા પોલીસે હત્યારી ભાભીને અટકાયત કરી હતી. આત્મહત્યામાં ખપાવવાના પ્રયાસો કર્યા હતા. પરંતુ પાદરા પોલીસે કડકાઇથી પુછપરછ કરતા આ સમગ્ર ઘટના પ્રકાશમાં આવી હતી. એક તરફ દિયર અને ભાભી વચ્ચે આડા સંબંધ હોવાનું પણ ગામમાં ચર્ચાઇ રહ્યું છે.
 

(8:01 pm IST)
  • કબરમાંથી સદ્દામનો મૃતદેહ ગાયબ : ઇરાકના પૂર્વ સતાધીશ સદ્દામ હુસૈનને અલ-અજવા ગામમાં દફનાવ્યા હતા : આજે ત્યાં કોઇ અવશેષ નથી : ૩૦ ડિસે. ર૦૦૬ના દિને દફત થયુ હતું : ઉલ્લેખનીય છે કે, શિયા સમુદાય અહીં સદ્દામનું સ્થાનક બને તેમ ઇચ્છતો ન હતો : ઝીન્યુઝીનો અહેવાલ access_time 11:22 am IST

  • BSFના દરિયાઈ પેટ્રોલીંગ દરમ્યાન કચ્છનાં લખપતવારી ક્રીક વિસ્તારમાંથી એક લાવારીસ પાકિસ્તાની બોટ પકડાઈ : બોટમાં માછીમારી કરવાનો સામાન મળ્યો access_time 12:33 am IST

  • વડોદરાના બહુચર્ચિત ભટનાગર બંધુઓની ધરપકડ : વડોદરામાં રૂ. 2654 કરોડના કૌભાંડમાં પિતા સુરેશ ભટનાગર અને બન્ને ભાઈઓ અમિત - સુમિત ભટનાગરની ધરપકડ : રાજસ્થાનના ઉદયપુરથી કરાઈ ત્રણેયની ધરપકડ : CBI અને ATSનું સંયુક્ત સફળ ઓપરેશન access_time 12:34 am IST