News of Monday, 16th April 2018

માતાની હત્યા બાદ પુત્રએ પણ ગળેફાંસો ખાઈ જીવન ટૂંકાવ્યું : પ્રેમમાં નિષ્ફળતાથી માનસિક આઘાતમાં પગલું :પારડીના ડુમલાવમાં કિસ્સો

પતિ વિદેશમાં નોકરી કરતો હતો :માનસિક ભાંગી પડતા માતા પુત્ર વચ્ચે અવારનવાર ઝઘડા થતા

વલસાડ જિલ્લાના પારડી તાલુકાના ડુમલાવ ગામમાં પુત્રએ માતાની હત્યા કર્યા બાદ પોતે પણ ગળે ફાંસો ખાઇ આપઘાત કર્યો હતોઆ અંગે મળતી વિગત મુજબ વલસાડના ડુમલાવ ગામમાં માતા અને પુત્ર સાથે રહેતા હતા. મહિલાનો પતિ વિદેશમાં નોકરી કરતો હતો.પુત્ર માનસિક રીતે અસ્થિર હતો, જેને કારણે તેના અને તેની માતા વચ્ચે અવારનવાર ઝઘડા થતા રહેતા હતા. બંને વચ્ચે કોઈ વાતે ઝઘડો થયો હતો, જેથી પુત્રએ માતાની હત્યા કરી બાદ પોતે પણ આત્મહત્યા કરી હતી.આ બનાવની જાણ થતા પારડી પોલીસ ઘટના સ્થળે પહોંચી તપાસ હાથ ધરી હતી.
   વધુમાં મળતી વિગત મુજબ પ્રેમ પ્રકરણમાં નિષ્ફળ ગયેલો યુવક માનસિક આઘાતમાં સરી પડ્યો હતો. જેથી માતાએ ભુવાનો સહારો લીધો હતો.આખરે કંકાસ વધતા પુત્રએ માતાની હત્યા કરી જીવન ટૂંકાવ્યું હતુ.  
 દરમિયાન વલસાડમાં તંત્રની ઘોર બેદરકારી સામે આવી છે. પારડીમાં એક કલાક સુધી ખુલ્લા ટેમ્પોમાં માતા પુત્રના મૃતદેહો રઝળતા રહ્યા પારડી પોલીસે માતા-પુત્રના મૃતદેહને ટેમ્પોમાં પીએચસી પારડી ખાતે મોકલ્યા હતા. પરંતુ પારડી PHC માં પણ શબવાહિનીની સુવિધા નથી. જેને કારણે આ વિસ્તારમાં બનતી ઘટના બાદ મૃતદેહો આ રીતે ટેમ્પોમાં લવાય છે. વલસાડ જિલ્લાના ધરમપુર, કપરાડા, ઉમરગામ અને પારડી જેવા વિસ્તારોમાં સરકારી હોસ્પિટલો કે CHC કે પછી PHC ઉપર શબવાહિનીની સુવિધા નથી. જેથી મૃતદેહોને આ રીતે રઝળતી હાલતમાં ખુલ્લા ટેમ્પોમાં લઇ જવાની ફરજ પડે છે.

 

(11:27 pm IST)
  • અફઘાનીઓએ પાંચ પાક જવાનોને ફૂંકી માર્યા : અફઘાન સરહદે ઝપાઝપી : દુબાયેલી લોકોએ પાંચ સૈનિકોને મારીને એકનું અપહરણ કર્યુ : અફઘાન સરહદમાં ઘુસવું પાક.ને ભારે પડ્યું: બીબીસીનો અહેવાલ access_time 11:22 am IST

  • વાડી વિસ્તાર માંથી યુવાનની મળી લાશ: સિહોર તાલુકાના પિંગળી ગામની વાડી વિસ્તારમાંથી પચીસ વર્ષના યુવાન લાલજી વાઘેલાની મળી લાશ:લાશને પીએમ માટે સિહોર સીએચસી હોસ્પિટલ ખાતે ખસેડાઇ.. access_time 1:29 am IST

  • મધ્યપ્રદેશમાં જાનૈયાને લઇ જતો મીની ટ્રક સોનનદીમાં 100 ફૂટ ઊંડે ખાબકતા 20ના મોત ;30 ઘાયલ :સીધી જિલ્લામાં દુર્ઘટના:સોનનદીના પુલનું ડિવાઈડર તોડીને ટ્રક ખાબક્યો :જિલ્લાના ઉચ્ચ અધિકારીઓ પહોંચ્યા :રાહત-બચાવકાર્ય શરૂ :મીની ટ્રક જિલ્લાના બાહરી થાણા ક્ષેત્ર અમેલિયા નજીક પુલ પરથી 100 ફૂટ ઊંડે પડ્યો :ગેસ કટરથી કાપીને ફસાયેલ લોકોને બહાર કાઢયા access_time 1:42 am IST