Gujarati News

Gujarati News

News of Wednesday, 17th February 2021

આઈસરે બેફામ હંકારીને સાઇકલ ચાલકને ઉડાવ્યો

નવસારીમાં સાઈકલ ચાલક ૫૦ ફૂટ ફંગોળાયો : ભૈરવી ગામના પેટ્રોલપંપ પાસે આ બનાવ બન્યો હતો પીડિત વ્યક્તિ સાઇકલ પર નોકરી માટે જઈ રહ્યો હતો

નવસારી,તા.૧૭ : નવસારી જિલ્લામાં બે દિવસ પહેલા એક આઈસર ચાલકે એક સાઇકલ ચાલકને ઉડાવ્યો હતો. બનાવમાં સારવાર દરમિયાન સાઇકલ ચાલકનું મોત થયું છે. નવસારી જિલ્લાના ખેરગામ તાલુકા ખાતે બનાવ બન્યો હતો. ખેરગામ-ધરમપુર રોડ ઉપર બનેલા અકસ્માતના સીસીટીવી ફૂટેજ પણ સામે આવ્યા છે. સીસીટીવી ફૂટેજમાં સ્પષ્ટ જોઈ શકાય છે કે આઈસર ચાલકે બેફામ ઝડપે વાહન હંકારીને રસ્તાની બાજુમાં સાઇકલ લઈને જઈ રહેલા વ્યક્તિને ઉડાવ્યો હતો. આઇસરની ટક્કરથી સાઇકલ ચાલક ૫૦ ફૂટ ફંગોળાયો હતો. મળતી માહિતી પ્રમાણે ભૈરવી ગામના પેટ્રોલપંપ પાસે બનાવ બન્યો હતો. પીડિત વ્યક્તિ સાઇકલ પર નોકરી માટે જઈ રહ્યો હતો. અકસ્માત બાદ સાઇકલ ચાલકને તાત્કાલિક સારવાર માટે ખસેડવામાં આવ્યો હતો. મળતી માહિતી પ્રમાણ સાઇકલ ચાલકનું સારવાર દરમિયાન મોત થયું છે.

અકસ્માત બાદ આઇસર ચાલક વાહન સાથે ફરાર થઈ ગયો હતો. કેસમાં ખેરગામ પોલીસે અજાણ્યા ચાલક સામે ગુનો નોંધીને આઈસર ચાલકની શોધખોળ શરૂ કરી છે. સામે આવેલા સીસીટીવીમાં જોઈ શકાય છે કે સાઇકલ ચાલક પોતાની સાઇડમાં એટલે કે ડાબી બાજુએ સાઇકલ લઈને જઈ રહ્યો છે. દરમિયાન પાછળથી એક આઈસર ચાલકે પૂર ઝડપે આવે છે અને સાઇકલને જોરદાર ટક્કર મારે છે. ટક્કર એટલી જોરદાર હોય છે કે સાઇકલ ચાલક ૫૦ ફૂટ સુધી ફંગોળાય છે. વ્યક્તિ સાથે તેની સાઇકલ પણ ઉછળીને રોડ પર પડે છે.

દરમિયાન અન્ય લોકોને પણ સાઇકલ ચાલક તરફથી દોડીને આવતા જોઈ શકાય છે. સીસીટીવીમાં જોઈ શકાય છે કે અકસ્માત બાદ જાણ કંઈ બન્યું હોય તેવી રીતે આઇસર ચાલક પૂર ઝડપે ફરાર થઈ જાય છે. જ્યારે દોડી આવેલા લોકો ઘાયલ થયેલા સાઇકલ ચાલકની મદદ કરવાનો પ્રયાસ કરી રહ્યા છે.

(7:36 pm IST)
  • દેશમાં કોરોના ધીમો પડ્યો :મૃત્યુઆંક 1.56 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 12,418 કેસ નોંધાયા :કુલ કેસની સંખ્યા 1, 09,49,546 થઇ :એક્ટિવ કેસ 1,34,244 થયા: વધુ 11,750 દર્દીઓ સ્વસ્થ થતા કુલ 1,06,54,706 થયા :વધુ 89 લોકોના મોત સાથે કુલ મૃત્યુઆંક 1,56,038 થયા access_time 1:02 am IST

  • અપડેટ : સુપ્રીમ કોર્ટના અધિકારીઓએ સ્પષ્ટતા કરી હતી કે રાજદીપ સરદેસાઈ વિરુદ્ધ કોઈ પણ અવમાનનાની કાર્યવાહી શરૂ કરવામાં આવી નથી અને આ મામલે થયેલી ભૂલ ટૂંક સમયમાં સુધારી દેવામાં આવશે. access_time 12:21 am IST

  • હાઈકોર્ટમાં ન્યાયાધીશના ૪૦૦ પદ ખાલી : નવી દિલ્હી : દેશભરની ૨૫ હાઈકોર્ટોમાં ૪૦૦ જેટલી જગ્યાઓ ઉપર ન્યાયાધીશોની નિમણુંકો કરવાનું બાકી છે : આ બધા પદ ખાલી છે ત્યારે સુપ્રિમ કોર્ટમાં ૪ જજાના પદ ખાલી છે. access_time 11:17 am IST