Gujarati News

Gujarati News

News of Monday, 16th December 2019

ધર્મજ ગામમાં કોટક બેન્કની ખોટી બ્રાન્ચ ખોટી બંટી-બબલી કરોડોનું ફુલેકુ ફેરવી ફરાર

ભારતના પેરીસ તરીકે ઓળખાતા એનઆરઆઈ ગામ ધર્મજમાં કોટક મહેન્દ્ર બેંકના નામે શાખા ખોલીને બંટી-બબલી ઊંચુ વ્યાજ આપવાની લાલચ આપી લાખો રૂપિયાની ફિક્સ ડિપોઝિટો ઉઘરાવીને રાતોરાત ફરાર થઈ જતાં ચકચાર મચી જવા પામી છે. પ્રાપ્ત વિગતો અનુસાર દશેક મહિના પહેલા ધર્મજ ગામે ઉંઝાના કનકભાઈ શાહ અને તેમની પત્ની દ્વારા કોટક મહેન્દ્ર બેંકના નામે કોટક સિક્યુરિટિ નામની ઓફિસ ખોલી હતી અને ગામના જ બે યુવાનોને નોકરીએ રાખીને ફિક્સ ડિપોઝિટ ઉઘરાવવાનું ચાલુ કર્યું હતું. બંટી-બબલી દ્વારા ગ્રાહકોને ઊંચુ વ્યાજ આપવાની લાલચ આપવામાં આવતી હતી જેને લઈને કેટલાક ગ્રાહકો આકર્ષાયા હતા અને તેઓ દ્વારા કોટક સિક્યુરિટિઝમાં ફિક્સ ડિપોઝિટ મૂકી હતી. બંટી-બબલી દ્વારા તેમની શાખામાં નોકરીએ રખાયેલા બન્ને યુવાનોના નામના ચેક અથવા તો રોકડ રકમ લઈને ફિક્સ ડિપોઝિટની પાવતી આપવામાં આવતી હતી. દશેક મહિનાની અંદર બંટી-બબલી દ્વારા લાખો રૂપિયાની રકમ ઉઘરાવી લીધી હતી. જો કે ચારેક દિવસ પહેલાં એક એનઆરઆઈ ફિક્સ ડિપોઝિટ મૂકવા માટે ગયા ત્યારે કથિત કનકભાઈ શાહ દ્વારા રોકડ રકમ કે પછી તેમને ત્યાં કામ કરતા યુવાનોના નામે ચેક આપવાનું જણાવ્યું હતુ. જો કે એનઆરઆઈએ કોટક મહેન્દ્ર બેંકનો જ ચેક આપવાનો આગ્રહ રાખ્યો હતો અને ફરીથી આવવાનું જણાવી ત્યાંથી નીકળી ગયા હતા. આ તરફ પોતાનો ફાંટો ફૂટે તે પહેલાં જ બંટી-બબલી રાતોરાત ભાડાનું મકાન ખાલી કરીને લેપટોપ, કોમ્પ્યુટર સહિત જે કાંઈપણ સામગ્રી હતી તે લઈને ત્યાંથી નીકળી ગયા હતા. છેલ્લાં ચારેક દિવસથી તેમનો કોઈ અત્તો પત્તો ના લાગતાં ડિપોઝિટરોના જીવ તાળવે ચોંટી જવા પામ્યા હતા. કેટલાક જાગૃતોએ ઘોડો નાશી ગયા બાદ તબેલાને તાળાં મારતા હોય તેમ કોટક મહેન્દ્ર બંક, મુંબઈનો સંપર્ક કરીને ધર્મજની શાખા અંગે પૂછતાં તેઓ દ્વારા આવી કોઈ શાખા તેમના દ્વારા ખોલવામાં નહીં આવી હોવાનો ખુલાસો કરવામાં આવ્યો હતો. જેને લઈને આજે આ મામલે ભારે હોબાળો થવા પામ્યો હતો. જો કે આ સંદર્ભે પેટલાદ રૂરલ પોલીસનો સંપર્ક કરતાં આવી કોઈ ફરિયાદ હજી સુધી પોલીસ મથકે આવી નહીં હોવાનું જણાવ્યું હતુ. સૂત્રોના જણાવ્યા અનુસાર વધુ વ્યાજ મેળવવાની લાલચે ઠગાયેલા ડિપોઝિટરો પણ ખુલીને કાંઈ બોલવા તૈયાર નથી જેને લઈને ખરેખર ઠગાઈનો આંકડો કેટલો છે તે બહાર આવ્યુ નથી.

(6:28 pm IST)
  • લોકશાહીમાં વિરોધ કરવાનો અધિકાર છે પણ પબ્લિક પ્રોપર્ટીના ભોગે નહીં : સિટિઝનશીપ એક્ટ મામલે થઇ રહેલા તોફાનો દુર્ભાગ્યપૂર્ણ : આ ઍક્ટથી ભારતના કોઈપણ ધર્મના નાગરિકને કોઈ નુકશાન થવાનું નથી : વડાપ્રધાન શ્રી નરેન્દ્ર મોદીનું ટ્વીટ access_time 7:14 pm IST

  • ર૪મી સુધી પાયલ રોહતગીને જેલ : પૂર્વ વડાપ્રધાન જવાહરલાલ નહેરૂ અને તેમના પિતા મોતીલાલ નહેરૂ વિરૂદ્ધ વાંધાજનક વિડીયો બનાવવા અને તેને શેયર કરવાના મામલે અભિનેત્રી પાયલ રોહતગીને ર૪મી સુધી જેલ સજા થઇ છે : બુંદી પોલીસે ગઇકાલે અમદાવાદથી ધરપકડ કરી હતી access_time 4:06 pm IST

  • આપણે સાવરકરના સ્વપ્નનું નહીં,પરંતુ ભગતસિંહ અને આંબેડકરના સ્વપ્નનું ભારત બનાવવું જોઈએ : નાગરિકતા કાયદા પર જેએનયુ છાત્ર સંઘના પૂર્વ અધ્યક્ષ કન્હૈયાકુમારે એનઆરસીના પરિણામથી સતર્ક રહેવા અપીલ કરતા કહ્યું કે આ હિન્દૂ-મુસ્લિમનો મામલો નથી પણ આ બંધારણથી જોડાયેલ મુદ્દો છે : સવિધાનને દુષિત થતા બચાવવાનો મામલો છે access_time 12:57 am IST