Gujarati News

Gujarati News

News of Monday, 16th September 2019

પુંજ કમિટીની સમક્ષ હાર્દિક પટેલ રજૂ : વધુ સમય માંગ્યો

જીએમડીસી ગ્રાઉન્ડમાં પાટીદારો પર દમન કેસ : હાર્દિક પટેલે પુરાવાની સાથે જવાબ રજૂ કરવા બે દિવસનો સમય માંગતા કમિટિએ બુધવાર સુધીનો આપેલો સમય

અમદાવાદ,તા. ૧૬ :  સને ૨૦૧૫માં પાટીદાર અનામત આંદોલન દરમિયાન જીએમડીસી ગ્રાઉન્ડમાં પોલીસ દ્વારા કરવામાં આવેલા લાઠીચાર્જની તપાસ માટે બનાવાયેલી પુંજ કમિટી સમક્ષ આજે બપોરે કોંગ્રેસના નેતા હાર્દિક પટેલ હાજર થયો હતો. જો કે, હાર્દિક પટેલે પુરાવા સાથે જરૂરી જવાબ રજૂ કરવા માટે બે દિવસનો સમય માંગ્યો હતો અને હવે તે આગામી બુધવારે બપોરે ત્રણ કલાકે પોલીસ દમન અંગેના લેખિત જવાબ રજૂ કરશે. એટલું જ નહીં તે સમયે બનેલી ઘટનાઓ દરમ્યાન પોલીસે પાટીદારો પર કરેલા અમાનવીય લાઠીચાર્જની વિગતો રજૂ કરશે તેવી સ્પષ્ટતા પણ હાર્દિક પટેલે કરી હતી. ઉલ્લેખનીય છે કે, પાટીદાર અનામત આંદોલન દરમ્યાન જીએમડીસી ગ્રાઉન્ડમાં પાટીદારોનું વિશાળ ક્રાંતિ સંમેલન યોજાયું હતુ અને ત્યારબાદ રાજયભરમાં પરિસ્થિતિ વણસી હતી અને છૂટીછવાઇ હિંસા, તોડફોડ અને આગચંપીના અનેક બનાવો નોંધાયા હતા.

       જેમાં પાટીદારો અને પોલીસ વચ્ચે ઘર્ષણના બનાવો પણ સામે આવ્યા હતા. ખાસ કરીને પાટીદારો પર જીએમડીસી ગ્રાઉન્ડ પર પોલીસ દ્વારા લાઠીચાર્જ કરવાનું પ્રકરણ બહુ ચગ્યુ હતુુ અને તેને પગલે રાજકારણ જોરદાર રીતે ગરમાયું હતુ. આ સમગ્ર પ્રકરણની તપાસ માટે રાજય સરકાર દ્વારા જસ્ટિસ કે.એ.પૂજની તપાસ કમીટીની રચના કરી હતી. પુંજ કમિટીએ નિવેદન નોંધાવવા માટે હાર્દિક પટેલને નોટિસ ફટકારી હતી, જેને લઈ તે આજે કમિટી સમક્ષ હાજર થયો હતો. હાર્દિક પટેલને એવું પુછવામાં આવ્યું હતું કે તમારી સાથે દિનેશ બાંભણિયા કેમ હાજર ન રહ્યાં તેના જવાબમાં હાર્દિકે કહ્યું કે નોટિસ માત્ર મને જ મળી છે. એટલે હું જ આવ્યો છું. જો કે, હાર્દિક પટેલે પુરાવા સાથે જરૂરી જવાબ રજૂ કરવા માટે બે દિવસનો સમય માંગ્યો હતો, જેને પગલે કમીટીને હાર્દિકને બુધવાર સુધીનો સમય આપ્યો હતો.

(8:46 pm IST)
  • દિવગત વડાપ્રધાન રાજીવ ગાંધીની હત્યાની દોષી નલિનીની પેરોલ પુરી : ફરીથી જેલમાં મોકલાઈ : નલિનીએ મદ્રાસ હાઇકોર્ટમાં પેરોલની મુદત વધારવા કરેલી અરજી કોર્ટે ફગાવી ; નલિનીને તેણીની પુત્રીના લગ્નની વ્યવસ્થા સંદર્ભે 51 દિવસની પેરોલ મળી હતી : હાઇકોર્ટે ગત મહિને 30 દિવસની છૂટી આપી હતી બાદમાં ત્રણ સપ્તાહ વધારી દેવાયા હતા access_time 12:52 am IST

  • કેન્દ્ર ને ઝટકો આપતી સુપ્રીમ કોર્ટ : સુપ્રીમ કોર્ટે કોંગ્રેસના નેતા અને પૂર્વ કેન્દ્રીય પ્રધાન ગુલામ નબી આઝાદને કાશ્મીરની મુલાકાત લેવાની મંજૂરી આપી છે. આ સમય દરમિયાન તે ચાર જિલ્લાની મુલાકાત લઈ શકે છે. જો કે, તે આ સમયગાળા દરમિયાન કોઈપણ રાજકીય કાર્યક્રમમાં ભાગ લઈ શકશે નહીં. એકવાર ત્યાં પહોંચ્યા પછી, તે સુપ્રીમ કોર્ટમાં રિપોર્ટ રજૂ કરશે. આ સંદર્ભે કેન્દ્રને નોટિસ આપવામાં આવી છે. સુપ્રીમ કોર્ટની મંજૂરી બાદ હવે ગુલામ નબી આઝાદ બારામુલ્લા, અનંતનાગ, શ્રીનગર અને જમ્મુ જિલ્લાની મુલાકાત લઈ શકે છે. access_time 12:28 pm IST

  • ૧૩૮II ઇંચ : સાંતાક્રુઝમાં ૬૫ વર્ષનો રેકોર્ડ બ્રેક વરસાદ નોંધાયો : મુંબઇ-સાંતાક્રુઝમાં ચોમાસાની સીઝનનો ૬૫ વર્ષનો વરસાદી રેકોર્ડ તુટયો છે. (૧ જુનથી ૩૦ સપ્ટે. સુધી) આજે ૧૬ સપ્ટેમ્બર સવારે ૮II સુધીમાં મુંબઇના સાંતાક્રુઝ ખાતે ૩૪૬૨.૮ મી.મી. (૧૩૮II ઇંચ) જે છેલ્લા ૬૫ વર્ષમાં પડેલ સૌથી વધુ વરસાદ છે. access_time 4:38 pm IST