Gujarati News

તલોદ: તાલુકાના વક્તાપુર ગામના માઢવાસમાં ગતરોજ મધ્યરાત્રી બાદ પરિવારના એક મોટા મકાનની આખી દિવાલ ધરાશયી થઈ જતાં અફડા-તફડી મચી જવા પામી હતી. જોકે, કોઈ જાનહાની થઈ નથી.

તલોદ તાલુકાના વક્તાપુર ગામના માઢવાસમાં આવેલા જગદીશભાઈ ગોવિંદભાઈ પટેલના મકાનની એક આખી દિવાલ રાત્રે 2 વાગ્યાના સુમારે એકાએક ધડાકા સાથે તૂટી પડી હતી. આ પટેલ પરિવારે નવું મકાન બનાવેલ હોવાથી તેઓ તેમાં રહેતા હતા. જેથી આ મકાનમાં ઘાસચારો વગેરે ભરી રાખ્યો હતો. જેથી મકાનમાં કોઈ નહીં હોવાથી, કોઈ જ જાનહાનિ થવા પામી નથી. પરિવારે તથા વક્તાપુર વાસીઓએ અહીં 'શૂળીનો ઘા સોંયથી ટળ્યા'નો અનુભવ કર્યો હતો.