Gujarati News

બારડોલીઃ ઉપરવાસમાં એકધારા વરસાદથી ઉકાઈ ડેમની જળ સપાટીમાં વધારો થઇ રહ્યો છે ત્યારે ડેમના 13 જેટલા દરવાજા ખોલી તાપી નદીમાં પાણી છોડાતા તાપી નદીમાં બે કાંઠે વધી છે
   બારડોલી તાલુકાના હરિપુરા ગામે લો લેવલ કોઝવે પાણીમાં ગરકાવ થતા નદીના સામે પાર આવેલા ઉન, કોસડી, ગોડાવાડી, ખંજરોલી તેમજ પુના સહિતના 10 જેટલા ગામોનો બારડોલીથી સીધો સંપર્ક તૂટવા પામ્યો છે. આ ચોમાસામાં હરિપુરા લો લેવલ કોઝવે ત્રીજી વખત પાણીમાં ગરકાવ થયો છે. અને હાલ તો કોઝવે પરથી વાહન વ્યવહાર બંધ કરી દેવાયો છે અને ચુસ્ત પોલીસ બંદોબસ્ત ગોઠવી દેવાયો છે
ઉકાઈ ડેમમાંથી 1.43 લાખ ક્યુસેકથી પણ વધુ પાણી હાલ તાપી નદીમાં છોડાય રહ્યું છે ત્યારે તાપી નદી જાણે ગાંડી તુર થઈ છે અને તાપી નદીના કિનારે આવેલા ગામોને તંત્ર દ્વારા એલર્ટ કરાયા છે હરિપુરા કોઝવે પાણીમાં ગરકાઉ થતા જ સામે પાર આવેલા 10 જેટલા ગામોના લોકોએ જીવન જરૂરિયાતની ચીજ વસ્તુ ખરીદવા માટે પણ 30 થી 35 કિલોમીટરનો ફેરાવો ફરવો પડે છે