Gujarati News

Gujarati News

News of Friday, 16th April 2021

શુક્રવારથી પોઈચા પુલ નાના વાહનો માટે શરૂ થશે જ્યારે ભારદારી વાહનો માટે પોઈચા પુલ હાલમાં બંધ રહેશે

(ભરત શાહ દ્વારા) રાજપીપળા : નર્મદા નદી ઉપર પોઈચા ખાતે શ્રી રંગ સેતુ પુલ ધરતીકંપના કારણે ક્ષતિગ્રસ્ત થયો હતો તેનું રીપેરેશનનુ કામ ચાલુ હતું.
તા.૧૬/૪/૨૦૨૧ ને શુક્રવારના રોજથી નાના વાહનો માટે પોઈચા પુલ શરૂ કરવામાં આવનાર છે. તેવી માહિતી ડભોઇ માર્ગ અને મકાન વિભાગ તરફથી પ્રાપ્ત થઈ છે. જ્યારે ભારદારી વાહનો માટે પોઈચા પુલ હાલમાં બંધ છે.
 અત્યારે કોરોના વાયરસ મહામારીનુ સંકમણ વધી રહ્યું છે. ત્યારે એમ્બ્યુલન્સ ૧૦૮ જેવા મેડિકલ વાહનો અને ઓક્સિજન માટેના વાહનો માટે પોઈચા પુલ શરૂ કરવામાં આવ્યો છે.નર્મદા જીલ્લા માથી કોરોના મહામારી વાળા બિમાર લોકોને નાના વાહનો દ્વારા વડોદરા કે અન્ય મોટા શહેરોમાં ‌વાહનો લઈ જવામાં પોઈચા પુલ ઉપરથી સરળતાથી લઈ જવાશે નર્મદા, વડોદરા અને અન્ય જીલ્લામાંથી આવવા જવા માટે નાના વાહનો માટે આ પુલ પરથી સરળતા રહેશે અને સમયનો બચાવ થશે. ટુ વ્હીલર અને નાની ફોર વ્હીલર ગાડીઓની અવર જવર થઈ શકશે જેથી નાના વાહન ચાલકોને ગુરૂડેશ્વર, દેવલિયા તિલકવાડાની પ્રદક્ષિણા બંધ થઈ જશે સાથે સમયનો પણ બચાવ થશે.પોઈચા પુલ શરૂ થતાં નર્મદા,વડોદરા જીલ્લા ના લોકોએ હાશકારો અનુભવ્યો હતો.હવે જલ્દી એસટી બસો પોઈચા પુલ ઉપર થઈને પસાર થાય એવી લોકોએ માંગણી કરી છે.

(11:43 pm IST)
  • કેન્દ્રિય મંત્રી પ્રકાશ જાવડેકર કોરોના સંક્રમિત થતા ટ્વીટ કરીને આપી જાણકારી : છેલ્લા 2 - 3 દિવસમાં એમના સંપર્કમાં આવેલ દરેકને ટેસ્ટ કરાવવા કરી અપીલ access_time 6:03 pm IST

  • કુંભ મેળો આવતીકાલથી બંધ થશે તે પહેલા ત્રણેક હજાર લોકોને કોરોના વળગી ચૂકયો છે : સંખ્યાબંધ અખાડાઓ બંધ કરી ટેન્ટ ઉખેડવા લાગ્યા છે : ગંગા નદીમાં લાખો લોકોએ સ્નાન કરતા કોરોના પ્રદૂષણ મહાભયાનક સ્વરૂપ લ્યે તેવી ચિંતા વ્યકત થઈ રહી છે access_time 1:20 pm IST

  • બજાજ કંપનીએ ચેતક ઇલેક્ટ્રિક સ્કૂટરનું બુકીંગ બંધ કર્યું : 13 એપ્રિલના રોજ ગુડી પડવાને દિવસે શરૂ કરેલા બુકીંગનો ક્વોટા 48 કલાકમાં પૂરો : ઓનલાઇન બુકીંગ માટે બેંગ્લુરુ તથા પુણેમાંથી ભારે ધસારો જોવા મળ્યો : ફરીથી બુકિંગની તારીખ હવે પછી જાહેર કરશે access_time 8:21 pm IST